Haustfrí í borginni
22.–26. október
Haustfrí
Haustfrí grunnskóla í Reykjavík verður dagana 22.–26. október og víða um borgina verður boðið upp á fjölbreytta afþreyingu fyrir börn og fjölskyldur. Á söfnum, bókasöfnum og víðar má finna skapandi smiðjur, ratleiki, föndur, leiki og fjölskylduviðburði. Fullorðnir í fylgd með börnum fá frítt inn á söfn borgarinnar í haustfríinu.
Viðburðir
Viðburðapottur jólaborgarinnar 2026 – umsóknir óskast
Undirbúningur fyrir jólahátíðina er nú að hefjast og búið að opna fyrir umsóknir í viðburðapott jólaborgarinnar.
Markmið verkefnisins er að efla mannlíf og styðja við fyrirtæki; verslun, veitingastaði og aðra þjónustu á svæðinu. Viðburðirnir lífga upp á miðborgina borgarbúum og gestum til ánægju og yndisauka á aðventunni. Þau sem hafa í hyggju að efna til viðburða í desember geta sótt um styrk í pottinn að hámarki 400 þúsund krónur.
Helstu skilyrði fyrir styrkveitingu:
- Verkefnið skal fara fram í miðborginni.
- Verkefnið skal glæða borgina lífi og varpa ljósi á fjölbreytileika miðborgarinnar
- Verkefnið skal fara fram á tímabilinu frá 1.-23. desember.
- Margir fái að njóta, höfði til alls aldurs og sé þátttakendum að kostnaðarlausu.
- Ekki eru veittir styrkir vegna jólamarkaða ýmis konar né markaðssetningu einstaka reksturs.
Umsóknarfrestur er til og með 8. nóvember 2026.
Ef frekari upplýsingar er óskað vinsamlegast sendið tölvupóst á midborgin@reykjavik.is
Viltu koma þínum viðburðum á framfæri?
Öll geta skráð viðburði í viðburðardagatal borgarinnar.
Viðburðirnir birtast svo hér á borginokkar.is og eru einnig opnir fyrir aðra til að sækja og eru visir.is og GJUGG appið til dæmis að sækja þangað viðburði.
Reykjavíkurkortið í símann
Settu saman þitt kort og veldu það sem hentar þér. Reykjavíkurkortið er þinn aðgangur að því besta sem borgin hefur upp á að bjóða.
Þú velur hvað fer á kortið og getur haft það allt í símanum: sundkort, Menningarkort, Ylströndin í Nauthólsvík, Fjölskyldu- og húsadýragarðurinn eða líkamsrækt í Klébergslaug. Þitt er valið!
