Skólahljómsveit Vestur- og Miðbæjar

Skólahljómsveit Vesturbæjar var stofnuð 18. nóvember 1954 og var ein tveggja fyrstu skólahljómsveita í Reykjavík. Fyrsti stjórnandi sveitarinnar var Páll P. Pálsson  sem starfaði 1954 til 1994. Lárus H. Grímsson hóf störf árið 1994 og stjórnaði sveitinni til ársins 2019. 

Skólahljómsveit Vestur- og Miðbæjar þjónar öllum börnum og unglingum á svæðinu frá Kringlumýrarbraut í austri að Seltjarnarnesi í vestri. 

Stjórnandi er Ingi Garðar Erlendsson.

Starfsfólk

Viltu hafa samband? 
Hér getur þú séð meira um hljómsveitastjóra og kennara.

• Starfsmannalisti 2023-2024

Kennsla og námsmat

Nám í skólahljómsveitum er tvíþætt:

• Virk þátttaka í A, B eða C sveitum eftir aldri og færni nemenda.
• Auk þátttöku í hljómsveitaræfingum á hver nemandi kost á hljóðfærakennslu í 40-60 mínútur á viku eftir aldri og kunnáttu.

Hljóðfærakennsla fer eftir atvikum fram á skólatíma eða eftirá. Skipulag kennslustunda á skólatíma er í samráði við skólastjóra, viðkomandi grunnskólakennara og með samþykki forráðamanna. Hljóðfæranám byggir að stórum hluta á heimaæfingum. Því er nauðsynlegt að nemendur hafi aðstöðu og njóti stuðnings heima fyrir.

Ástundun

Nemendur mæti á allar hljómsveitaræfingar, spilatíma og aðra skipulagða viðburði á vegum skólahljómsveitarinnar. Öll forföll skal tilkynna með fyrirvara.
Til að viðunandi árangur náist í hljóðfæranámi þarf nemandi að leika á hljóðfæri sitt á hverjum degi.

Námsmat

Námsmat fer fram a.m.k. einu sinni á ári samkvæmt starfsáætlun skólahljómsveita.
Felst það í:

• Ársprófi skólahljómsveita eða grunn-/miðprófi tónlistarskóla eftir því sem við á.
• Umsögn og/eða einkunn kennara og stjórnanda um ástundun nemanda.