Ráðgjafarskóli
Sólborg er sá leikskóli, sem hefur sérhæft sig í að mæta þörfum heyrnarlausra og heyrnarskertra barna. Heyrnar- og talmeinastöð Íslands kynna þessa ráðgjöf fyrir foreldrum barnanna þegar heyrnarskerðing uppgötvast. Ráðgjöfin er veitt samkvæmt gjaldskrá, 16.000 kr., ásamt akstursgjaldi vegna aksturs opinberra starfsmanna á eigin bifreiðum.
Markmið með ráðgjöfinni
Að veita leikskólastarfsfólki ráðgjöf varðandi heyrnarskerðingu, hvað þarf að taka tillit til í umhverfi barnanna, áhersluþætti í námi og kennslu en sérstaklega er horft til félagslegrar stöðu og hlutdeildar í leikskólastarfinu. Ráðgjafarferlið miðast við þarfir hvers og eins og ráðgjafi kemur eða hefur símaráðgjöf á leikskóla barnsins.
- Almenn ráðgjöf veitt um heyrnarskerðingu og áhrif þess að fá heyrnartæki
- Upplýsingar um það, sem leikskólinn þarf að huga að í leikskólastarfinu varðandi námsumhverfi, hljóðvist, samskipti og hlutdeild barnsins í leikskólastarfinu
- Heyrnarskertir nemendur og táknmál
- Ráðgjöf varðandi CODA börn
Sérkennslustjóri er Regína Rögnvaldsdóttir
Beiðni um ráðgjöf ætti að berast frá leikskóla barnsins
Beiðni um ráðgjöf er send á netfang Sólborgar solborg@rvkskolar.is á þar til gerðu umsóknarblaði