Ofbeldi. Hvar get ég leitað hjálpar? (Auðlesinn texti)

Hvað er ofbeldi?

Ofbeldi er þegar einhver skaðar þig.

Ofbeldi getur verið líkamlegt.
Til dæmis að slá, sparka, hrinda.

Ofbeldi getur verið andlegt.
Til dæmis að hóta, stjórna, niðurlægja.

Ofbeldi getur verið kynferðislegt.
Til dæmis kynferðisleg snerting sem þú vilt ekki.

Ofbeldi er aldrei þér að kenna.

Ofbeldi

Fólk sem verður fyrir ofbeldi kallast brotaþolar.

Brotaþolar geta verið konur

Þau geta líka verið karlar

Þau geta líka verið kvár. 

Konur eru þó oftast brotaþolar.

Þau sem beita ofbeldi geta verið konur.

Þau geta líka verið karlar.

Þau geta líka verið kvár.

Stundum er fólk ekki visst um hvort það hafi orðið fyrir ofbeldi.

Þá er mikilvægt að ræða við vin.
Eða sérfræðing.

Til dæmis í Kvennaathvarfinu.
Eða hjá Stígamótum.

Enginn á að þurfa að þola ofbeldi.

Ofbeldi brýtur gegn mannréttindum.

Ofbeldi brýtur gegn frelsi fólks.

Öll eiga rétt á að leita sér hjálpar.

Ofbeldi er aldrei brotaþola að kenna.

Teikning af örmum sem taka hlýlega utan um allskonar fólk.

Hvar get ég leitað hjálpar?

Þú getur alltaf hringt í 112.

Þú getur líka talað við staðina hér fyrir neðan.

Kvennaathvarfið

Athvarfið er fyrir konur og börn þeirra.

Ef þau geta ekki verið heima hjá sér vegna ofbeldis.

Ofbeldið getur verið andlegt.
Eða líkamlegt.

Ofbeldið getur verið frá eiginmanni.
Eða öðrum sem búa á heimilinu.

Athvarfið er líka fyrir konur sem hafa orðið fyrir nauðgun.

Hægt er að fá símaráðgjöf allan sólarhringinn.

  • Í síma: 561-1205

Konur geta hringt og rætt málin.

Þær geta fengið stuðning.
Og upplýsingar.

Viðtöl eru í boði.

Konur geta komið í viðtal.

Til að fá stuðning 

Og upplýsingar

Þær þurfa ekki að gista.

Nauðsynlegt er að hringja fyrst

Og panta tíma.

  • Í síma 561-1205

Þar eru hópar.

Í hópunum hittast konur

Og hjálpa hver annarri.

Með aðstoð frá starfskonu Kvennaathvarfsins

Nauðsynlegt er að koma í viðtal áður.

Bjarkarhlíð

Bjarkarhlíð er fyrir þolendur ofbeldis.

Þar er veittur stuðningur.

Þar er veitt ráðgjöf.

Þar er fræðsla um ofbeldi.

Það þarf að bóka tíma.

Opnunartími er frá 9 til 16:30

Opið er alla virka daga.

Þjónustumiðstöðvar Reykjavíkurborgar

Þjónustumiðstöðvar veita ráðgjöf.

Þær hjálpa fólki sem er beitt ofbeldi.

Hér eru upplýsingar um þjónustumiðstöðvar í Reykjavík.

Þú getur líka hringt í þjónustuver borgarinnar.

Þú getur fengið upplýsingar um þína þjónustumiðstöð.

Þú getur fengið beint samband við þjónustumiðstöð.

Stígamót

  • Sími: 562-6868 eða 800-6868
  • Netfang: stigamot@stigamot.is
  • Heimilis-fang: Síðumúla 23, 108 Reykjavík.

Þjónusta Stígamóta er fyrir konur.

Þjónustan er líka fyrir karla.

Þjónustan er líka fyrir kvár

Þú þarft að vera 18 ára eða eldri.

Margir sem leita þangað hafa orðið fyrir kynferðislegu ofbeldi. 

Stígamót veita einnig stuðning við fjölskyldumeðlimi.

Þau eru líka fyrir aðra sem eru nánir brotaþola.

Neyðarmóttaka fyrir þolendur kynferðisofbeldis Landspítalanum

Sími:

  • 543-1000 Aðalskiptiborð
  • 543-2000 Afgreiðsla bráðamóttöku
  • 543-2094 Neyðarmóttaka á daginn
  • 543-2085 Áfallamiðstöð

Heimilisfang: Landsspítalinn Fossvogi

Neyðarmóttakan hjálpar fólki eftir nauðgun.

Hún hjálpar einnig fólki eftir tilraun til nauðgunar.

Markmið þjónustunnar er að draga úr heilsutjóni.

Markmiðið er að koma í veg fyrir frekara heilsutjón.

Allir geta leitað þangað.

Kvennaráðgjöfin

  • Sími: 552-1500
  • Heimilisfang: Túngata 14, 101 Reykjavík

Kvennaráðgjöfin veitir ókeypis lögfræðiaðstoð.

Hún veitir félagsráðgjöf.

Þjónustan er fyrir alla.

Opið er á þriðjudögum:

  • Frá klukkan 8 eftir hádegi
  • Til klukkan 10 eftir hádegi

Opið er á fimmtudögum:

  • Frá klukkan 2 eftir hádegi
  • Til klukkan 4 eftir hádegi.

Þjónustan kostar ekki neitt.

Þú þarft ekki að gefa upp nafn.

Þú þarft ekki að gefa upp persónuupplýsingar.

Aðstoð fyrir gerendur

Heimilisfriður

  • Sími: 555-3020

Meðferð fyrir fólk sem beitir ofbeldi.

Heimilisfriður veitir meðferð.

Meðferðin er fyrir fólk sem beitir ofbeldi.

Heimilisofbeldi er alvarlegt vandamál.

Þú getur bent fólki á Heimilisfrið.

Landsbyggðin

Akureyri

Kvennaathvarfið Akureyri

Athvarfið er fyrir konur og börn þeirra.

Þegar þau geta ekki verið heima vegna ofbeldis.

Ofbeldið getur verið andlegt.

Ofbeldið getur verið líkamlegt.

Athvarfið er líka fyrir konur eftir nauðgun.

  • Símaráðgjöf er allan sólarhringinn.
    Í síma 561-1205

Konur geta fengið stuðning.

Viðtöl eru í boði.

Það þarf að hringja fyrst og panta tíma.

  • Í síma 561-1205

Þar eru hópar.

Í hópunum hittast konur

Og hjálpa hver annarri.

Með aðstoð frá starfskonu Kvennaathvarfsins

Nauðsynlegt er að koma í viðtal áður.

Aflið

Aflið veitir aðstoð.

Aðstoðin er fyrir fólk sem hefur orðið fyrir kynferðisofbeldi.

Aðstoðin er fyrir fólk sem hefur orðið fyrir heimilisofbeldi.

Aflið veitir einnig stuðning fyrir fólk sem er náið þeim.

Trúnaður er mikilvægur.

Bráðamóttakan Akureyri

  • Sími: 463-0800

  • Heimilisfang: Inngangur C

    Sjúkrahúsið á Akureyri

    Eyrarlandsvegur.

Bjarmahlíð, Akureyri

Bjarmahlíð er staður fyrir þolendur ofbeldis.

Þar er hægt að fá ráð.

Þar er hægt að fá upplýsingar.

Þolendur ráða sjálfir hvað er gert.

Suðurland

Sigurhæðir, Selfossi.

Sigurhæðir veita þjónustu fyrir þolendur ofbeldis.

Lögregla er til staðar.

Lögregla veitir ráð.

Lögregla veitir upplýsingar.

Lögfræðileg ráðgjöf er í boði.

Félagsþjónusta í þínu sveitarfélagi getur veitt ráð

 Og aðstoð.

Ísafjörður

Fjölmenningarsetur 

  • Símar: 450-3090
  • Net-fang: mcc@vmst.is
  • Heimilis-fang: Árnagata 2-4, Ísafjörður

Þar er hægt að fá upplýsingar.

Upplýsingarnar eru fyrir innflytjendur.

Þar er hægt að fá upplýsingar um íslenskt samfélag.

Þar er hægt að fá upplýsingar um íslenskunám.

Þar er hægt að fá upplýsingar um réttindi.

Þar er hægt að fá upplýsingar um skyldur.

Þar er hægt að fá túlkaþjónustu.

Úrræði fyrir brotaþola

Smelltu hér til að sjá úrræði sem standa til boða ef þú býrð við ofbeldi eða hefur orðið fyrir ofbeldi, eða ef þú veist um einhvern sem er í þeim aðstæðum.