Bætt flokkun fyrirtækja
Losun:
20.549 tonn CO2 ígildi
Ábyrgðaraðili:
Lýsing:
Framkvæmd og eftirfylgni á kröfum Samþykktar um meðhöndlun úrgangs í Reykjavík með áherslu á aukna flokkun með vitundarvakningu
Íslenska Gámafélagið og Terra eru tvö stærstu fyrirtækin sem sjá um söfnun og meðhöndlun úrgangs á höfuðborgarsvæðinu. Bæði fyrirtækin starfa samkvæmt vottaðri umhverfisstjórnunarkerfi (EMS) og veita ráðgjöf tengda úrgangsmálum til viðskiptavina, auk þess að hafa góða þekkingu á sjálfbærni. Þau bjóða upp á söfnunar- og flokkunarþjónustu og hafa samninga við endurvinnslufyrirtæki þriðja aðila.
Sorpa bs. er móttökufyrirtæki sveitarfélaga fyrir úrgang og þjónustar bæði almenning og einkaaðila. Sorpa sér um meðhöndlun og útflutning endurvinnanlegs úrgangs til endurvinnslu og óflokkaðs úrgangs til orkuvinnslu. Sorpa bs. getur haft áhrif á gæði flokkunar með fræðsluverkefnum og með því að setja skilyrði fyrir móttöku úrgangs frá einkaaðilum. Sorpa rekur einnig GAJA, meðhöndlunarstöð fyrir lífrænan úrgang.
Samráð við hagsmunaaðila er hafið. Íslenska Gámafélagið og Sorpa hafa staðfest að þau séu að skilgreina framlag sitt til samningsins. Fundir með hagsmunaaðilum eru á dagskrá, þar sem markmið verkefnisins verða skilgreind nánar ásamt umfangi og tíðni samskipta og samstarfs næstu ár. Auk þess viljum við ræða skýrslugjöf t.d. með því að nýta núverandi sjálfbærniskýrslur og mælikvarða.
Samkvæmt Svæðisáætlun um meðhöndlun úrgangs er markmiðið að halda losun óbreyttri árið 2032 miðað við árið 2022, þrátt fyrir að íbúafjöldi muni aukast á sama tíma.
Losunarflokkur:
Úrgangur