Google leiðbeiningar fyrir nemendur

Teikning af nemendum í skólastofu

Að vera með þitt námstæki alla daga gefur þér möguleika sem þú hafðir ekki áður til stuðnings, samstarfs og skapandi verkefna.

Leiðbeiningar

Chrome vafrinn

Google Chrome netvafrinn er hentugasta verkfærið til að nota með Google skólalausnum. Aðrir netvafrar geta opnað flest Google verkfæri en virkni þeirra gæti þá verið takmörkuð. Í Windows stýrikerfinu er Internet Explorer sjálfgefinn vafri svo allir tenglar sem notandi fær t.d. í tölvupósti í Outlook opnast þar nema farið sé inn í stillingar og þeim breytt.

Drifið, skýjageymslan (e. Drive)

Google drifið (e. Google Drive) er heimasvæði okkar innan Google skólaumhverfisins Hægt er að vista allt rafrænt efni á heimasvæðinu (skjöl, myndir, myndbönd, skyggnur ofl.) og deila með öðrum notendum

Allt sem unnið er í Google námsforritunum vistast sjálfkrafa á Drifinu. 

Fyrir neðan eru hlekkir á stutt kennslumyndskeið af fræðsluvefnum Nám stutt af neti.

Classroom - stafræna skólastofan

Stafræni skólinn. Kennari býr til skólastofur og býður ykkur aðgang. 

Inn í skólastofuna setur hann inn efni tengt námi ykkar; hlekki á námsefni, kennsluáætlanir, fyrirmæli og verkefnalýsingar, ítarefni, fræðslusíður, gagnvirkar síður, hlekki á myndskeið/þætti, skilahólf fyrir stafræn verkefni.

Fyrir neðan eru hlekkir á stutt kennslumyndskeið af fræðsluvefnum Nám stutt af neti.

Skjöl (e. Docs) - ritvinnsla

Forritið er í grunninn hefðbundið ritvinnsluforrit þar sem einnig er hægt að nýta raddinnslátt, þú talar í hljóðnema og forritið skrifar það sem þú segir. Einfalt er að þýða skjöl yfir á fjölda tungumála. Það býður upp á möguleika á samvinnu milli ykkar nemenda og með kennara ykkar í tengslum við textavinnslu, margir geta unnið í sama skjali.

Allar breytingar vistast jafnóðum, kennari hefur yfirsýn yfir það hver skrifar hvað og hægt að nálgast eldri útgáfur.

Fyrir neðan eru hlekkir á stutt kennslumyndskeið af fræðsluvefnum Nám stutt af neti.

Skyggnur (e. Slides) - kynningar, stílabækur/glósubækur/ferilbækur

Forritið hentar vel í að gera kynningar, en það hentar líka vel sem stílabók/glósubók/ferilbók. Hægt að setja inn texta, myndir, myndskeið, hljóðskrár og teikningar og margir geta unnið í sömu kynningu. Hægt að breyta stærð síðna yfir í A4 eða aðra stærð. Vinna í Skyggnum gefur góða yfirsýn því síðurnar sjást vinstra megin. 

Fyrir neðan eru hlekkir á stutt kennslumyndskeið af fræðsluvefnum Nám stutt af neti.

Stafræn tússtafla (e. Jamboard)

Hægt að setja inn texta, post-it miða, form, myndir, teikningar og fleira og margir geta unnið í sömu kynningu. Hentar vel í hugstormunarvinnu og samstarfsverkefni. Hægt að vista sem PDF skjal eða mynd (jpg). Athugið að tússtaflan opnast alltaf í nýjum flipa í vafranum.

Fyrir neðan eru hlekkir á stutt kennslumyndskeið af fræðsluvefnum Nám stutt af neti.

Gögn nemenda við grunnskólalok

Þegar nemendur yfirgefa grunnskóla Reykjavíkur er Google skólaaðgangi þeirra lokað og síðan eytt. Nemendur eru hvattir til að velja þau verkefni sem þeir vilja eiga og taka með sér. Þar sem Google for Education Plus kerfið er lokað er ekki hægt að flytja gögnin út úr kerfinu og inn á persónulegan Google reikning. 

Hvernig skrái ég mig inn í Google skólaumhverfið?

Allir nemendur í Reykjavíkurborg hafa aðgang að Google skólaumhverfinu með aðganginum @gskolar.is.

Hvað er Google Classroom?

Google Classroom er stafrænn skóli þar sem kennarar þínir bjóða þér í skólastofur sínar. Þar geta þeir sett inn námsefni, kennsluáætlun, ítarefni, hlekki á gagnlegar vefsíður og kennslumyndskeið. Þeir geta deilt með ykkur skjölum, sett inn fyrirmæli og búið til skilahólf fyrir ykkur.