Gott að vita áður en sótt er um leikskóla

Nokkur atriði sem er gott að vita áður en þú sækir um í leikskóla fyrir barnið þitt.

Til að barn geti byrjað í leikskóla á vegum Reykjavíkurborgar þarf það að vera með lögheimili og fasta búsetu í Reykjavík.

Þú getur sótt um í leikskóla þegar barnið hefur verið skráð í Þjóðskrá. Það gerist nokkrum dögum eftir fæðingu barnsins.
Hversu snemma þú sækir um hefur ekki áhrif á hversu fljótt barnið fær pláss í leikskóla. Börnum er raðað á biðlista eftir kennitölu, elstu börn efst.

Þú sækir um leikskóla á umsóknarvefnum Vala.
Ef þú ert ekki með rafræn skilríki geturðu sent tölvupóst á innritun.leikskolar@reykjavik.is og fengið aðstoð.

Börn fara 6 mánaða á biðlista hjá þeim leikskólum sem sótt er um, en þú getur skilað inn umsókn fyrr.
Biðlistinn breytist dag frá degi eftir því sem umsóknir berast, þar sem þær raðast eftir kennitöluröð.
Úthlutun fer fram eftir kennitöluröð svo að eldri börn fá boð um vistun á undan þeim yngri.

Miðað er við að börn sem eru 18 mánaða 1. september fái boð í leikskóla sama haust. Til dæmis börn fædd í febrúarlok 2026 og eldri fá boð um vistun í stóru úthlutun 2027.
Stóra úthlutunin fer fram í byrjun mars ár hvert. Þá er plássum úthlutað fyrir haustið sama ár, þegar elstu börnin í leikskólanum fara í grunnskóla.
Umsóknir sem berast eftir stóru úthlutun eru afgreiddar síðar og þá getur verið erfiðara að fá pláss þar sem leikskólarnir eru oftast fylltir í stóru úthlutun.

Reynt er að taka val foreldra til greina.
Byrjað er á elsta barninu á heildarbiðlistanum, umsókn er vandlega skoðuð og reynt að bjóða pláss í leikskóla samkvæmt fyrsta vali.
Ef það er ekki hægt er farið í annað val, svo í þriðja val og þannig koll af kolli.
Fyrsta val: Veldu leikskólann sem þið viljið helst. Það er aldrei að vita hvað gerist þegar að úthlutun kemur, og þá er leiðinlegt að missa af plássi í þeim leikskóla sem þið helst viljið. Settu leikskóla systkina í fyrsta val til að auka líkur á að þau geti verið saman.
Önnur völ: Veldu leikskóla sem þið mynduð vilja þiggja boð á ef þið komist ekki inn á óska leikskóla.
Leikskólareiknirinn getur hjálpað við valið.

Ef barnið er ekki á innritunaraldri í stóru úthlutuninni í mars (18 mánaða gamalt þann 1. september sama ár) er gott að hafa ungbarnaleikskóla með í vali eða leikskóla með ungbarnadeild, þar sem þeir geta stundum tekið við yngri börnum. Nánari upplýsingar um ungabarnaleikskóla og ungbarnadeildir.
Til að geta farið í ungbarnaleikskóla þarf barnið að vera yngra en tveggja ára við upphaf vistunar. Eiga því aðeins börn fædd 1. september árið á undan og yngri möguleika á að fara í ungbarnaleikskóla hjá Reykjavíkurborg.
Börn geta verið í ungbarnaleikskóla þar til árið sem þau verða 3 ára. Þá þurfa þau að sækja um flutning