Borgartún gatnamót við Hallgerðargötu
Myndir
Hvað verður gert?
Verkið felst í gerð gatnamóta Borgartúns við Hallgerðargötu ásamt gerð almenningsgarðs og gróðureyja við Borgartún. Norðurhluti gatnamótanna er að mestu leiti kominn og felst þetta verk í gerð syðri hluta þeirra og tengingu milli norður- og suðurhluta.
Um er að ræða færslu kantsteina og umferðareyja frá legu þeirra í dag sem og gerð nýrra göngu- og hjólaleiða um gatnamótin í formi hjólastígs, gangstéttar, niðurtekta og þverana. Þessu fylgir breytt lega niðurfalla og gatnalýsingar ásamt yfirborðsmálun og skiltum .
Umferðarljósastólpar, strengir og brunnar eru komin í norðurhluta gatnamótanna en klára skal gatnamótin í þessum hluta verksins.
Einnig er hluti af þessu verki nýjar gróðureyjar um öll gatnamótin, þær eru með öllu ófrágengnar í dag.
Að lokum felst í verkinu gerð almenningsgarðs á þeirri lóð sem áður var Laugarnesvegur 51 en er í dag borgarland.
Hvernig gengur?
Júlí 2024
Verkið er á lokametrunum og á að klárast í ágúst 2024. Nokkrar tafir urðu á að hægt væri að hefja verk í upphafi, eins vegna vetraraðstæðna og aukaverka sem komu upp á verktíma.