Endurgerð Laugardalslaugar
Á fundi borgarráðs þann 06.05.21 voru drög að erindisbréfi borgarstjóra samþykkt þess efnis að hefja undirbúning hönnunarsamkeppni um endurgerð Laugardalslaugar og tengdra mannvirkja.
Haldin verður hönnunarsamkeppni í samstarfi við Arkitektafélag Íslands. Á grundvelli samkeppninnar verði valin tillaga og hugmyndir til áframhaldandi hönnunar og framkvæmda.
Helstu verkefni
Forsagnarhópur var skipaður í kjölfarið og helstu verkefni hans voru:
- Forsögn og undirbúningur hönnunarsamkeppni
- Skilgreining keppnislýsingar og framsetning kynningarefnis
- Hagsmunaaðilagreining
- Áhættugreining
Starfshópinn skipa
- Ósk Soffía Valtýsdóttir, formaður, umhverfis- og skipulagssvið
- Kristjana Ósk Birgisdóttir, umhverfis- og skipulagssvið
- Jón Valgeir Björnsson, eignaskrifstofa
- Pálína Magnúsdóttir, menningar- og ferðamálasvið
- Steinþór Einarsson, íþrótta- og tómstundasvið
- Sólveig Valgeirsdóttir, íþrótta- og tómstundasvið
Starfsmaður/verkefnisstjóri starfshópsins:
- Pála Minný Ríkharðsdóttir, umhverfis- og skipulagssvið
Ráðgjafar Hópsins
- Árni Jónsson, forstöðumaður Laugardalslaugar
- Guðrún Lilja Gunnlaugsdóttir, deildarstjóri miðlunar og nýsköpunar á Borgarbókasafni
- Pétur H. Ármannsson, arkitekt og sviðsstjóri Minjastofnunar Íslands
- Sigurlaug Anna Jóhannsdóttir, Mannréttinda- og lýðræðisskrifstofa
Laugardalslaug
Talið er að sund- og baðferðir hafi verið tíðkaðar frá alda öðli í Laugardalnum. Sagt er frá baðlaug suður af Laugarnesi 1772. Sundkennsla hófst árið 1824, að vísu eingöngu fyrir pilta. Árin 1907-1908 lét bæjarstjórn Reykjavíkur hlaða laugarker úr tilhöggnum steini og er það trúlega fyrsta íþróttamannvirkið sem bærinn byggði. Síðan hefur sund verið iðkað í Laugardalnum.
