Einarsgarður

Um Einarsgarð

Einarsgarður er snotur, lítill almenningsgarður er liggur fyrir ofan Gömlu Hringbraut og fyrir neðan mót Laufásvegar og Barónsstígs, til móts við hús gamla Kennaraskólans. 

Einarsgarður á rætur sínar að rekja til Gróðrarstöðvarinnar sem starfaði þar milli 1899 og 1931. Garðurinn heitir í höfuðið á Einari Helgasyni garðyrkjufræðingi.

Grunnupplýsingar

Aldur: 1899-1931 Í eigu Gróðrarstöðvarinnar. Varð almenningsgarður árið 1943.

Samgöngur:

• Bílastæði við Gömlu-Hringbraut, Barónsstíg og Laufásveg.
• Strætóleiðir: 1-3-6-14-15-19. Stöðvar: Landspítalinn - BSÍ.

Þar er að finna: Garðyrkja - Listaverk - Bekkir - Sögustaður.

Saga

• Gróðrarstöðin starfaði í landi Hallskots sunnan við Þingholtin milli 1899 og 1931 og fór þar fram ýmis garðyrkja á yfir 4 hektara svæði undir stjórn Einars Helgasonar garðyrkjufræðings. Mikið af eldri trjám Reykjavíkur eiga uppruna sinn í gömlu Gróðrarstöðinni.
• Gróðrarstöðin lagðist niður 1931 og árið 1943 varð skrúðgarður hennar eign Reykjavíkur og var breytt í almenningsgarð. Þá voru gerð trjá- og blómabeð, lagðar grasflatir og byggðar steinhæðir ásamt stígum. Garðurinn var opnaður almenningi árið 1948.
• 1954 var höggmyndin Pomona eftir danska listamanninn Johannes Bjerg vígð.

Heimildir

• Bragi Bergsson. 2012. Almenningsgarðar á Íslandi. Ritgerð til MA-prófs. Háskóli Íslands, Hugvísindasvið.
• Einar Helgason. 1902. "Gróðrarstöðin". Búnaðarritið. Reykjavík.
• "Einar Helgason garðyrkjufræðingur og gróðrarstöðin í Reykjavík". Óðinn, 1. júní 1909, bls. 17-18.