Brúarskóli
Sérskóli, 3.-10. bekkur
Vesturhlíð 3
105 Reykjavík
Um Brúarskóla
Brúarskóli er sérskóli fyrir börn og unglinga sem eiga í alvarlegum geðrænum-, hegðunar- eða félagslegum erfiðleikum. Brúarskóli er starfræktur á fjórum starfstöðvum í Reykjavík. Í Vesturhlíð, í Brúarhúsum við Húsaskóla, á Dalbraut við BUGL og á Stuðlum.
Brúarskóli er tímabundið skólaúrræði með það markmið að efla nemendur og styðja við þá svo þeir verði hæfari til að stunda nám í almennum grunnskóla. Megináhersla er lögð á að vinna á jákvæðan hátt að bættri hegðun nemenda og hrósa fyrir það sem vel er gert. Jafnframt er unnið að því að styrkja og bæta félags- og samskiptahæfni nemenda. Kennt er í fámennum námshópum og er kennslan einstaklingsmiðuð að þörfum hvers nemanda.
Brúarskóli hefur einnig ráðgefandi hlutverk gagnvart almennum grunnskólum vegna erfiðrar hegðunar nemenda.
Skólastjórnendur
Skólastjóri er Ólafur Björnsson
Aðstoðarskólastjóri er Guðrún Vala Jónsdóttir
Deildarstjóri í Brúarhúsum er Heiða Dröfn Bjarnadóttir
Deildarstjóri á Dalbraut er Birna Hjaltadóttir
Deildarstjóri ráðgjafar er Ingunn Eyjólfsdóttir
Hvernig sæki ég um?
Skilað er inn umsókn á þar til gerðum eyðublöðum sem finna má hér fyrir neðan. Að auki skilar heimaskóli nemanda samhliða inn umsókn.
Matur í grunnskólum
Skólamáltíðir eru gjaldfrjálsar veturinn 2024-2025 en mikilvægt er fyrir skólann að hafa áfram yfirsýn, halda utan um upplýsingar um ofnæmi og óþol og takmarka matarsóun. Því þarf eins og áður að skrá nemendur í mataráskrift.
Þeir nemendur sem voru skráðir í fyrra verða sjálfkrafa skráðir í áskrift en aðrir þurfa að skrá sig. Breyting á skráningu fer fram á matur.vala.is.
Starfsemi
Skóladagatal
Hér finnur þú skóladagatal Brúarskóla. Í skóladagatali eru skipulagsdagar skráðir ásamt öðrum mikilvægum upplýsingum fyrir foreldra og forráðamenn.
Skólanámskrá
Viltu vita meira um hugmyndafræði og daglegt starf Brúarskóla? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í námi og starfi.
Foreldrahandbók
Foreldrahandbók Brúarskóla er ætlað að vera til upplýsingar um starfsemi skólans. Hún inniheldur margs konar hagnýtar upplýsingar til foreldra um starfið í Brúarskóla. Markmiðið er að allir foreldrar séu vel upplýstir og meðvitaðir um starf skólans.
Farsæld barna
Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.
Tengiliður Brúarskóla er: Björk Jónsdóttir