Bílahús Reykjavíkurborgar
Reykjavík rekur sjö bílahús í og við miðborgina. Þau bjóða upp á skammtímastæði, en einnig er hægt að sækja um langtímastæði. Á þessari síðu eru upplýsingar um staðsetningu bílahúsanna, fjölda stæða, opnunartíma og verð.
Hér er hægt að sækja um áskrift að langtímastæði í bílahúsum Reykjavíkur eða breyta áskrift sem þú ert þegar með.
Langtímastæði (áskrift) er fyrir bíla í daglegri notkun. Bílahúsin eru ekki ætluð til geymslu á bílum, tjaldvögnum, kerrum eða öðrum ökutækjum. Ökutæki án skráningarmerkja og önnur óheimil ökutæki geta verið fjarlægð á kostnað eiganda.
Aðgangur fyrir P-korthafa hreyfihamlaðra í bílahús
Regluleg notkun P-korthafa í bílahúsum Reykjavíkurborgar:
Í fyrsta sinn þarf að senda póst á bilahus@reykjavik.is og taka fram:
- Bílnúmer P-korts og gildistíma.
- Nafn á bílahúsi og taka fram ef um fleiri en eitt bílahús er að ræða.
P-kortið þarf að vera vel sýnilegt á mælaborði við eftirlit.
Skráning gildir í ár eða í samræmi við gildistíma P-korts.
Leggja í eitt skipti með P-kort í bílahúsum Reykjavíkurborgar:
- Hringja í síma 4113403 þegar búið er að leggja.
- Tilkynna að um sé að ræða P-kort og gefa upp bílnúmer.
- P-kortið þarf að vera vel sýnilegt á mælaborði við eftirlit.
Skráning gildir í eitt skipti.
Gjaldskrá
Upplýsingar um verð fyrir skammtímastæði og mánaðargjöld fyrir langtímastæði í bílahúsum Reykjavíkur.
