Íbúakort
Íbúakort er fyrir fólk sem á heima á svæðum þar sem bílastæði eru gjaldskyld. Handhafar íbúakorts geta lagt bíl án endurgjalds í gjaldskyld stæði innan gildissvæðis síns korts.
Núna er hægt að sækja um íbúakort 2 að vissum skilyrðum uppfylltum.
Hverjir eiga rétt á íbúakorti?
Þú getur sótt um íbúakort ef:
- þú átt lögheimili á gjaldskyldu svæði í Reykjavík eða á skilgreindu íbúakortasvæði
- það er ekki bílastæði á lóðinni þinni
- þú ert skráður eigandi eða umráðamaður bifreiðar í Ökutækjaskrá
- skuld við Bílastæðasjóð er ekki komin í milliinnheimtu
Samþykki íbúðareiganda fyrir nýtingu íbúakortarétt
Samþykki íbúðareiganda fyrir nýtingu íbúakortaréttar
Hvað kostar íbúakort?
1.500 krónur á mánuði fyrir bifreiðar sem ganga eingöngu fyrir rafmagni eða vetni.
3.000 krónur á mánuði fyrir aðrar bifreiðar.
20.000 krónur á mánuði fyrir íbúakort 2.
Íbúakort er gefið út í eitt ár í senn. Íbúakort gildir þó aldrei lengur en sem nemur gildistíma samþykkis íbúðareiganda. Sama gildir um endurnýjun íbúakorta.
Reglur um íbúakort
Íbúakort og íbúakort 2 veita heimild til að leggja bílum án endurgjalds í gjaldskylda stöðureiti innan gildissvæðis íbúakorts, með einhverjum takmörkum.
Breyting á skráninganúmeri
Senda þarf beiðni um breytingu á skráninganúmeri tímanlega á ibuakort@reykjavik.is. Íbúakorthafi þarf að vera orðinn skráður eigandi eða umráðamaður ökutækis samkvæmt skráningu í ökutækjaskrá Samgöngustofu.
Ef um er að ræða tímabundna breytingu vegna viðgerðar eða tjóns á eigin bifreið í allt að 8 vikur eru ekki gerðar sömu kröfur um skráningu íbúakorthafa í ökutækjaskrá en þá þarf að taka fram tímalengd.
Yfirlitskort af íbúakortasvæðum
