Öryggis- og umgengnisreglur í sundlaugum Reykjavíkur

Öryggisreglur

• Börn yngri en 10 ára (miðað við 1. júní árið sem þau verða 10 ára) skulu vera í fylgd með syndum einstaklingi 15 ára eða eldri. Mest mega vera tvö börn í fylgd hvers, nema um sé að ræða foreldri eða forsjáraðila. 
• Börn eru á ábyrgð foreldra/forsjáraðila í sundlauginni og skulu þeir fylgjast vel með börnum sínum í beinni sjónlínu.
• Sundlaugargestum er skylt að þvo sér vel án sundfata áður en farið er í laugina. Þá skulu sundlaugagestir klæðast viðurkenndum og hreinum sundfatnaði. 
• Dýfingar eru einungis leyfðar á þar til gerðum rás- og/eða stökkpöllum.
• Ósyndir skulu nota viðurkennda armkúta eða sundvesti. Athugið að hringlaga plastkútar eru leikföng en ekki öryggistæki.
• Öll notkun tóbaks, rafretta, nikótínpúða og sambærilegra vara, ásamt neyslu áfengis og annarra vímuefna er bönnuð í sundlaugum (öllu mannvirki). Fólki undir áhrifum er óheimill aðgangur.
• Hópar barna (frístundaheimili, skólahópar, skátar, sumarnámskeið o.þ.h.) skulu vera sérstaklega auðkenndir. 
• Notkun köfunartækja s.s. öndunarpípu og köfunargrímu sem nær yfir öndunarfæri er óheimil nema með sérstöku leyfi. Tæki skal vera vottað.

Umgengnisreglur

• Sundlaugagestir skulu ávallt fylgja fyrirmælum starfsfólks. 
• Ávallt ber að sýna starfsfólki og öðrum gestum tillitssemi.
• Sundlaugagestum ber að haga sér með þeim hætti að ekki skapist sérstök hætta af háttsemi þeirra, hvorki gagnvart þeim sjálfum, starfsfólki eða öðrum sundlaugagestum. 
• Sundlaugargestum er með öllu óheimilt að sýna af sér ógnandi og/eða ofbeldisfulla hegðun og/eða tjáningu gagnvart starfsfólki eða öðrum sundlaugargestum. 
• Notkun myndavéla, síma og annarra snjalltækja er stranglega bönnuð í búningsklefum og á laugarsvæði.
• Börn komin á grunnskólaaldur (miðað við 1. júní árið sem þau verða 6 ára) skulu nota búningaaðstöðu ætluð þeirra kyni. Henti ekki börnum að fara í búningsklefa karla eða kvenna eru sérklefar í boði.
• Glerílát eru óheimil á laugarsvæði og í búningsklefum. 

Reglur um ábyrgð og skaðleysi

• Sundlaugagestir eru á eigin ábyrgð á sundstað. 
• Sundlaugagestum ber að sýna aukna aðgát ef aðstæður gefa tilefni til slíks, t.d. ef varúðarmerkingar eru uppi eða sérstök slysahætta skapast vegna veðurfars. 
• Sundstaðir bera ekki ábyrgð á skóm eða öðrum eigum sundgesta. Sundlaugagestum er bent á að nota læsta skápa.
• Sé óskilamuna ekki vitjað innan 90 daga er áskilinn réttur til að gefa og/eða farga þeim. 

Viðurlög

• Ef brot sundlaugargests er minniháttar gagnvart öryggis- og/eða umgengnisreglum skal starfsmaður sundlaugar koma tilmælum á framfæri við sundlaugargest og veita þannig færi á úrbótum. 
• Sé brot metið alvarlegt og/eða ítrekað er starfsfólki heimilt að vísa sundlaugargesti fyrirvaralaust frá sundstað. Sama gildir ef sundlaugargestur neitar að verða við tilmælum starfsmanns sundlaugar um að láta af háttsemi sem er í berhögg við umgengnisreglur. 
• Alvarlegri og/eða ítrekuð tilvik kunna að leiða til þess að aðgangskorti sé lokað tímabundið eða varanlega (sjá nánar: notkunarskilmála Reykjavíkurkorta) eða brotlegur sundlaugargestur settur í tímabundið heimsóknarbann.
• Í alvarlegustu tilvikum kann jafnframt að vera skylt að tilkynna brot til lögreglu. 

Sánareglur

• Skylda er að hafa handklæði undir sér. Handklæði kemur í veg fyrir að sviti og vatn berist í viðinn og eykur þannig líftíma viðarins. Hægt er að kaupa handklæði í afgreiðslunni eða sleppa sánu og fara í eimbað.
• Börnum yngri en 16 ára er óheimill aðgangur nema í fylgd með fullorðnum.
• Vatnsúðun á steina er sjálfvirk. Hægt er að ýta á hnapp inni í sánum á 4 mín fresti til að fá aukið vatn á steina.
• Öll notkun ilmolíu er bönnuð.
• Sýnið öðrum gestum tillitssemi
• Starfsfólki er heimilt að vísa gestum út ef ekki er farið eftir þessum reglum.

Innrauð sánareglur

• Skylda að hafa handklæði undir sér. Handklæði kemur í veg fyrir að sviti og vatn berist í viðinn og eykur þannig líftíma viðarins. Hægt er að kaupa handklæði í afgreiðslunni eða sleppa sánu og fara í eimbað.
• Börnum yngri en 16 ára er óheimill aðgangur nema í fylgd með fullorðnum.
• Ekki halla þér upp að svörtu panelunum. Það getur eyðilagt þá.
• Öll notkun ilmolíu er bönnuð.
• Sýnið öðrum gestum tillitssemi.
• Starfsfólki er heimilt að vísa gestum út ef ekki er farið eftir þessum reglum.

Reglur um börn

• 1. júní árið sem börn verða 10 ára geta þau farið í sund án fylgdarmanns (að loknum 4. bekk).
• Börnum yngri en 10 ára er óheimill aðgangur að sundstöðum nema í fylgd með syndum einstaklingi 15 ára eða eldri.
• Mest mega vera tvö börn í fylgd hvers nema um sé að ræða foreldri/forsjáraðila (sbr. reglugerð um sund- og baðstaði 1. kafla 14.gr).
• Frítt er fyrir börn og ungmenni 0-16 ára.
• 1. ágúst árið sem ungmenni verða 16 ára er greitt ungmennagjald (að loknum grunnskóla).
• Börn eru alltaf á ábyrgð foreldra/forsjáraðila. Ósynd börn skulu vera með armkúta/sundvesti.
• Miðað er við að börn fari í klefa merkta sínu kyni þann 1. júní það ár sem barnið byrjar í grunnskóla (verður 6 ára). Henti ekki börnum að fara í búningsklefa karla eða kvenna eru sérklefar í boði.
• Hægt er að óska eftir að starfsmaður fari með barni í gegnum klefann.

Erlendir skólahópar

• Við fyllum ekki sérstaklega út heilsu- og öryggisform fyrir skólahópa.
• Sundlaugar í Reykjavík fylgja reglugerðinni um sundstaði sem sundlaugum ber að fylgja á Íslandi. Hægt er að kynna sér reglugerðina frekar hér en athugið að hún er á íslensku og ekki til á öðrum tungumálum sem stendur.