Styrkir fyrir myndríka miðlun um sögu Reykjavíkur

Ert þú með bók, kvikmynd, sjónvarpsefni, vefsíðu eða aðra miðlun í undirbúningi sem tengist sögu Reykjavíkur og hyggst nota ljósmyndir Ljósmyndasafns Reykjavíkur í verkefninu? Þá getur þú sótt um styrk til Reykjavíkurborgar vegna kaupanna. Styrkurinn felst í niðurgreiðslu á kostnaði vegna myndbirtinga. 

Sækja um styrk

Hvernig sæki ég um?

Í umsókn um styrk til myndríkrar miðlunar þurfa að koma fram upplýsingar um umsækjanda ásamt lýsingu á fyrirhuguðaðri miðlun. Einnig skal fylgja verðáætlun frá Ljósmyndasafni Reykjavíkur vegna ráðgerðra kaupa á ljósmyndum til birtingar skv. gjaldskrá safnsins. Styrkurinn nær ekki til virðisaukaskatts af notkun myndefnis. 

Sótt er um styrk til myndríkrar miðlunar í gegnum Mínar síður hér á vefnum. Opnað verður fyrir umsóknir mánudaginn 15. apríl og lokað fyrir þær miðvikudaginn 22. maí 2024.

Miðlun sögu og menningar

Markmið styrkveitingarinnar er stuðla að miðlun á menningararfleifð og sögu Reykjavíkur. Hópur skipaður þremur sérfræðingum á menningar- og íþróttasviði Reykjavíkurborgar fer yfir umsóknir og gerir tillögu til menningar-, íþrótta- og tómstundaráðs um úthlutun styrkja.

Nánari upplýsingar veitir skrifstofa menningarborgarinnar á menningar- og íþróttasviði í gegnum netfangið menning@reykjavik.is eða í gegnum síma: 411 1111