Spurt og svarað um Leikskólareikninn

Leikskólareiknirinn er tól til að skoða áætlaðar biðlistatölur í borgarreknum leikskólum í Reykjavík.  

Hægt er að sækja um í fimm leikskólum í einu. Sá leikskóli sem helst er óskað eftir er settur í fyrsta val, næsti í annað val og svo framvegis. Hver leikskóli er með sinn biðlista, svo hvert barn getur verið á allt að fimm biðlistum í einu. 

Leikskólareiknirinn ætti að gefa þér grófa mynd af mögulegri stöðu á biðlistum í borgarreknum leikskólum. Dæmi: Barn er númer fimm á lista í ákveðnum leikskóla. Það þýðir að fjögur börn þurfa að fá pláss í einhverjum leikskóla eða draga umsóknina sína til baka áður en það barn fær pláss í þessum tiltekna skóla. 

Það er ekki hægt að lofa því að um endanlegar tölur sé að ræða, því biðlistar geta breyst hratt.  

Hingað til hefur fólk þurft að skrá sig inn í Völu og sækja um, hringja í þjónustuver borgarinnar eða í leikskólana sjálfa til að fá þessar upplýsingar. Markmiðið er að vera gagnsæ í upplýsingamiðlun og sýna stöðuna eins og hún er hverju sinni svo að foreldrar og forsjáraðilar geti sjálf flett upp og skoðað biðlistatölur án þess að þurfa að hringja mörg símtöl. 

Plássum er úthlutað í kennitöluröð og biðlistatölur eru reiknaðar út frá þeim umsóknum sem nú þegar hafa borist. Pláss losna þegar barn sem er á undan þér á listanum samþykkir boð um vistun í einhverjum leikskóla eða dregur umsókn sína til baka. Þú getur færst aftar á biðlistann ef ef eldra barn eða barn með samþykktan forgang sækir um. 

Börn að útskrifast er sá fjöldi barna sem er að hætta í leikskóla til að byrja í grunnskóla. Sú tala er því lágmarksfjöldi plássa sem mun losna um haustið.  

Ef barn flytur í annað sveitarfélag eða óskar eftir flutningi milli borgarrekinna leikskóla losnar pláss. Erfitt er að spá fyrir um hvort, hvenær eða hversu mörg pláss losna af þessum ástæðum. 

Við mælum alltaf með því að sækja líka um hjá dagforeldrum og sjálfstætt starfandi leikskólum. Einnig er hægt að skoða stöðuna í öðrum hverfum, til dæmis nálægt vinnu foreldra. 

Sumir sjálfstætt starfandi leikskólar eru ungbarnaleikskólar, einnig bendum við á dagforeldra. 

Ítarlegar upplýsingar varðandi næstu úthlutun liggja ekki fyrir á þessum tímapunkti. Hægt að hafa samband við þjónustuver í síma 4111111 eða með tölvupósti innritun.leikskolar@reykjavik.is til að fá frekar upplýsingar. 

Úthlutun hefst í mars 2024 því mælum við með því foreldrar skoði umsóknir sínar um leikskóla fyrir þann tíma því ekki verður hægt að breyta umsóknum eftir að úthlutun hefst.  

Já. Í stóru úthlutuninni er reynt að bjóða fyrsta val á meðan það eru laus pláss í þeim skóla. Ef fyrsta val er orðið fullt þá er boðið í annað val og svo framvegis. Ef úthluta á plássi á öðrum árstíma þá skiptir val minna máli því líklegast er fullt í flesta skóla. Boðið er í pláss þar sem þau losna t.d. vegna flutninga alveg óháð því hvort viðkomandi skóli er í fyrsta eða þriðja vali. 

Já, en mælt er með að sækja eingöngu um þá skóla sem foreldrar myndu samþykkja boð um pláss í. 

Nei, eingöngu er notaður fæðingardagur og ár til að sjá stöðuna. Upplýsingarnar eru ekki tengdar ákveðnu barni. Leikskólareiknirinn sækir biðlistatölur úr leikskólakerfi borgarinnar, en engar persónugreinanlegar upplýsingar.