Spurt og svarað um akstursþjónustu

Teikning af þremur manneskjum í kröfugöngu. Ein þeirra er í hjólastól.

Þú sækir um akstursþjónustu fyrir fatlað fólk hjá Reykjavíkurborg. Í framhaldi af því sér Pant um alla framkvæmd akstursins.

Sjá meira á vefsíðu Pant

Listi spurninga

Er hámarksfjöldi á ferðum?

Enginn hámarksfjöldi er á ferðum en Reykjavíkurborg er heimilt að setja þak á fjölda ferða við sérstakar aðstæður. 

Hvað kostar þjónustan?

  • Stakt fargjald fyrir akstursþjónustu fatlaðs fólks, 16 ára og eldri, miðast við stakt gjald fyrir öryrkja hjá Strætó, samkvæmt gjaldskrá hverju sinni.
  • Gjald vegna tímabilskorta (30 daga kort eða árskort), fyrir 16 ára og eldri, miðast við tímabilskort fyrir öryrkja samkvæmt gjaldskrá Strætó.

Má ég taka með mér farþega?

Þú mátt taka með þér einn farþega. Farþegi greiðir samkvæmt almennri gjaldskrá Strætó. Frítt er fyrir börn undir grunnskólaaldri í fylgd með fötluðum foreldrum. 

Hvað ef ég dvel tímabundið utan höfuðborgarsvæðisins?

Þú getur lagt inn beiðni til Reykjavíkurborgar um að nýta þjónustu annars sveitarfélags á meðan þú dvelur þar. Beiðni er send á netfangið akstur@reykjavik.is.