Grenndarstöðvar og skil á endurvinnsluefnum

Grenndarstöðvar

Það eru tugir grenndarstöðva á höfuðborgarsvæðinu þangað sem hægt er að fara með allan úrgang frá heimilinu. Á vef Sorpu getur þú fengið ítarlegri upplýsingar um alla flokkun og endurvinnslu. 

Ert þú klár á því hvar þú skilar sorpinu þínu?

• Staðsetning grenndarstöðva

Endurvinnslustöðvar

Sex endurvinnslustöðvar eru á höfuðborgarsvæðinu, þar af þrjár í Reykjavík, við Sævarhöfða, Ánanaust og Jafnasel. Endurvinnslustöðvar eru bæði fyrir úrgang frá íbúum og rekstraraðilum. Gjald vegna reksturs endurvinnslustöðva er innheimt með fasteignagjöldum. Endurvinnslustöðvarnar taka á móti 32 úrgangsflokkum og eru ætlaðar til losunar smærri farma, undir tveimur rúmmetrum.

• Staðsetning endurvinnslustöðva

Aðrir sem taka á móti úrgangi

Hægt er að skila hlutum til endurnotkunar og endurvinnslu víðs vegar um borgina. Sem dæmi tekur Rauði krossinn við fatnaði, skóm og öðrum textílvörum í söfnunargáma á grenndarstöðvum og endurvinnslustöðvum SORPU bs. Á höfuðborgarsvæðinu er einnig hægt að skila fatnaði, skóm og nytjavörum á nytjamarkað Hjálpræðishersins auk þess sem Mæðrastyrksnefnd og Konukot taka við framlögum sem nýtast hér á landi. Á mörgum grenndarstöðvum stendur Bandalag Íslenskra Skáta (BÍS) fyrir söfnun á skilagjaldsskyldum umbúðum.

Samhjálp og ABC barnahjálp reka einnig nytjamarkaði þar sem tekið er við hvers kyns nytjavöru. Úreltum lyfjum og lyfjaafgöngum skal skilað til starfsmanna í apótekum. Vissar gleraugnaverslanir taka á móti gömlum gleraugum.