Skipulag náms í Tungumálaveri
Hluti náms í Tungumálaveri fer fram eftir hefðbundinn skólatíma vegna þess að nemendur koma úr mörgum skólum, en auk þess stunda nemendur sitt nám í heimaskólanum á meðan bekkjarfélagar þeirra eru í dönsku. Þar sem nemendur hittast aðeins einu sinni í viku eða sjaldnar, leggur kennari fyrir verkefni sem nemendur vinna að í dönskutímum og/eða heima. Þannig er reynt að uppfylla þær tímakröfur sem grunnskólalög gera ráð fyrir.
Ástundun
Skyldumæting er í alla tíma þó kennslan fari fram að hefðbundinni kennslu lokinni. Í fjarnámi telst það til mætingar að nemandi skrái sig inn og vinni verkefnin í hverri viku. Tilkynna skal veikindi og leyfi til kennarans samdægurs. Auk þess er mikilvægt að forsjáraðilar og/eða skóli láti kennara vita ef upp koma sérstakir atburðir eða aðstæður sem hafa áhrif á getu nemandans til þátttöku í kennslunni.
![](/sites/default/files/hanna_illustrations/vinna.png)
Námsframboð og kennsluhættir
Staðnám í norsku, pólsku og sænsku er fyrir nemendur á höfuðborgarsvæðinu. Þessi kennsla er fyrir nemendur í þeim bekk þar sem skólinn byrjar með dönskukennslu sem oftast hefst í 7. bekk. Staðkennsla fer fram á mismunandi stöðum og dögum. Nemendunum er raðað í hópa eftir búsetu en ef kennslutíminn stangast á við æfingar þeirra eða annað slíkt geta foreldrar haft samband við verkefnastjóra viðkomandi tungumáls og beðið um að skipta um hóp. Fjarnám er ætlað nemendum í 9. og 10. bekk.
6. bekkur á höfuðborgarsvæðinu
- Nemendur í 6. bekk hittast einu sinni í mánuði eftir hefðbundinn skólatíma, tvo tíma í senn eða eina kennslustund aðra hverja viku.
7. - 8. bekkur á höfuðborgarsvæðinu
- Staðbundin kennsla er í boði fyrir nemendur í 7. til 8. bekk á höfuðborgarsvæðinu. Staðbundin kennsla fer fram í mismunandi skólum og á mismunandi tímum. Verkefnastjóri hvers námsgreinar/tungumáls upplýsir nemendur um stað- og tímasetningu á hverri önn. Nemendur í 7. og 8. bekk mæta einu sinni í viku eftir hefðbundinn skólatíma, tvo kennslustundir í senn.
7. - 8. bekkur utan höfuðborgarsvæðis
- Tungumálaver býður upp á ráðgjöf í norsku- og sænskukennslu fyrir skóla utan höfuðborgarsvæðis sem búa yfir kennurum sem séð geta um kennslu. Að öðrum kosti er boðið upp á fjarkennslu.
- Engin pólskukennsla er í boði fyrir nemendur í 7. - 8. bekk utan höfuðborgarsvæðis.
9. - 10. bekkur
- Fyrir nemendur í 9. og 10. bekk fer námið alfarið fram á netinu á hefðbundnum skólatíma að undanskildnum bekkjarfundum sem kennarar geta boðað til. Slíkir fundir fara fram eftir venjulegan skólatíma í gegnum Google Meet (eða sambærilegan samskiptavettvang) .
Vinnuálag
Ætlast er til að nemendur vinni jafn mikið með efnið og samnemendur þeirra vinna með dönsku.Þar sem það er mismunandi eftir skólum hvernig tímarnir dreifast á milli bekkja er gert ráð fyrir að nemendur í Tungumálaveri þurfi að vinna með viðfangsefnið í
- 80- 120 mínútur í hverri viku í 7. og 8. bekk
- 120-160 mínútur í hverri viku í 9. og 10.bekk
Skyldunám eða valgrein?
Nemendur getur valið að taka norsku/sænsku í staðinn fyrir dönsku, en það er ekki valgrein heldur skyldunám. Ef þú tekur ekki dönsku, verður þú að taka norsku eða sænsku og öfugt. Nemendur stunda sitt nám í heimaskólanum á meðan bekkjarfélagar þeirra eru í dönsku.
Pólska er valgrein en þar sem nám í pólsku veitir þeim undanþágu frá dönskukennslu, vinna flestir nemendur að verkefnum sínum þegar danska er á stundatöflunni.
Samvinna heimilis, skóla og Tungumálavers
Vinnum saman: nemandi
- les, talar og hlustar reglulega á markmálið
- mætir í allar kennslustundir, vinnur heima í hverri viku, skilar verkefnum á réttum tíma
- man að hann getur unnið í öllum dönskutímum
- tekur þátt í tímum eða verkefnum í netnámi
- fylgist með upplýsingum á vefsvæðinu
Vinnum saman: foreldrar og forsjáraðilar
- tala markmálið heima – stundum/alltaf
- veita aðgang að sjónvarpi, bókum
- upplýsir um sérþarfir nemenda
- minna heimaskólann á að nemendur geti nýtt dönskutíma til náms
- senda kennaranum skilaboð ef nemandi getur ekki mætt eða ef hann hefur fengið leyfi
Vinnum saman: kennari
- fylgir þeirri námskrá sem í gildi er
- útbýr og velur námsefni eftir hæfni og þörfum
- veitir foreldrum og nemendum upplýsingar um það sem varðar kennsluna
- veitir heimaskóla upplýsingar um fjarvistir, námsmat og námsframvindu
- kennir og leiðbeinir nemendum í tímum, í síma , í tölvupósti
- fylgist með í faginu og því sem efst er á baugi í Noregi, Svíþjóð, Póllandi
Vinnum saman: skólinn
- skráir nemendur
- sér nemendum fyrir starfsaðstöðu og aðgang að tölvu á skólatíma
- fylgir eftir ábendingum netkennara
- upplýsir um sérþarfir nemenda
- skráir einkunnir á einkunnaspjald