Skíðasvæðin

Tækifæri til skíðaiðkunar í og við borgina eru fjölbreytt. Þrjár skíðalyftur fyrir börn og byrjendur eru starfræktar innan borgarinnar. Gönguskíðaspor eru lögð á ýmsum stöðum og skíðasvæðin í Bláfjöllum og Skálafelli eru skammt utan borgarmarkanna.

Gönguskíði

Innan höfuðborgarsvæðisins og í næsta nágrenni eru lögð gönguskíðaspor þegar veður og aðstæður leyfa. Upplýsingar um hvar og hvenær þau eru lögð eru að finna á upplýsingasíðu um gönguskíðaspor á höfuðborgarsvæðinu.

Reykjavíkurborg í samstarfi við Sporið leggur gönguskíðaspor á Hólmsheiði og á Rauðavatni þegar veður að aðstæður leyfa og Ullur skíðagöngufélagið hefur lagt spor í Heiðmörk. Ýmsir aðrir hafa verið að leggja spor á höfuðborgarsvæðinu. Einnig eru lögð spor í Bláfjöllum en upplýsingar um spor þar er að finna á heimasíðu Bláfjalla.

Ef þú ert aðili sem ert að leggja spor innan höfuðborgarsvæðisins eða í næsta nágrenni mátt þú endilega hafa samband við okkur. Við viljum fá þig í lið með okkur!