02. tillaga um Sæbrautarstokk
Tillaga Yrki arkitekta, Dagný Land Design og Hnit verkfræðistofu.
Ný byggð ofan á Sæbrautarstokk tengir saman hið rótgróna Vogahverfi við nýja hverfi Vogabyggðar. Stokkurinn skapar einnig nýja og sterkari tengingu Vogahverfis við Elliðaárnar og Elliðaárdal. Við þetta verður til samfelld byggð frá Laugardal að Elliðaárdal.
Skýringarmyndir
Nánar
Nýjar byggingar á stokknum eru framlengdar frá lóðum austan við Sæbraut. Þannig brúa nýjar byggingar Vogabyggð við Vogahverfi.
Ný byggð ofan á stokknum
Ný byggð ofan á Sæbrautarstokk tengir saman hið rótgróna Vogahverfi við nýja hverfi Vogabyggðar. Stokkurinn skapar einnig nýja og sterkari tengingu Vogahverfis við Elliðaárnar og Elliðaárdal. Við þetta verður til samfelld byggð frá Laugardal að Elliðaárdal.
Nýjar byggingar á stokknum eru framlengdar frá lóðum austan við Sæbraut. Þannig brúa nýjar byggingar Vogabyggð við Vogahverfi.
Staðsetning og lega húsa taka mið af því að skapa spennandi og skjólsæl almenningsrými milli húsanna. Byggðin er síðan mótuð og brotin upp til að tryggja sólrík svæði milli húsanna. Hæðir og umfang húsa taka einnig mið af aðliggjandi byggð svo að nýjar byggingar falli vel að núverandi byggð. Byggingarnar móta síðan áhugavert samspil inngarða, leiksvæða og torga sem eru tengd saman með stígum og götum.
Myndband sem sýnir Sæbraut í stokk - Tillaga Yrki arkitekta, Dagný Land Design og Hnit verkfræðistofu.
Útfærsla á stokki
Stokkurinn nær frá gatnamótum Skeiðarvogs og Sæbrautar að mislægum gatnamótum við Vesturlandsveg. Við þetta detta út tvö ljósastýrð gatnamót á Sæbraut, við Skeiðarvog og Súðarvog.
Nýr hverfiskjarni
Með tilkomu Borgarlínu í hverfið verður til enn sterkari tenging fyrir íbúa við aðra hluta borgarinnar og höfuðborgarsvæðið.
Kjarnastöðvar Borgarlínu eru samgöngumiðstöðvar þar sem gera má ráð fyrir mikilli umferð gangandi vegfarenda. Stöðvarnar eru mikilvægir tengipunktar í leiðarkerfi Strætó og Borgarlínu. Slíkt skapar nýjar forsendur fyrir verslanir og þjónustu sem reiða sig á mikla umferð fólks. Þannig verður til hvati til að reka verslun og þjónustu í og við kjarnastöðvar.
Lagt upp með að staðsetja meirihluta verslana og þjónustu í og við kjarnastöðina þannig að nýr hverfiskjarni verður til.
Kjarnastöðin
Kjarnastöð Borgarlínu er staðsett ofan á stokknum við enda Súðarvogs og Dugguvogs. Suðurlandsbraut er framlengd og mætir Dugguvogi við kjarnastöðina.
Við kjarnastöðina er byggðarkjarni undir verslun, þjónustu og skrifstofur.
Kjarnastöð við enda Dugguvogs skapar forsendur fyrir frekari uppbyggingu á verslun og þjónustu við götuna og er starfsemi beint þangað. Dugguvogur verður þannig þjónustu- og verslunargata hverfisins.
Staðsetning stöðvarinnar, mitt á milli Vogahverfis og Vogabyggðar, gerir hana aðgengilega báðum hverfum.
Vogatorg
Kjarnastöðin og byggingarnar við hana mynda nýtt torg, Vogatorg, sem opnast til suðurs.
Dugguvogur í samrými fyrir gangandi og hjólandi
Eins og komið hefur fram er tillagan byggð fyrst á forsendum gangandi vegfarenda. Gangandi fara hægar yfir og hafa því tækifæri til að upplifa og skynja umhverfi sitt betur.
Þannig er vel gætt að þéttu neti gönguleiða eftir götum og stígum milli almenningssvæða svo að svæðið bjóði bæði upp á skilvirkar gönguleiðir til að ferðast eftir en líka góða og fjölbreytta upplifun ef löngun verður til að taka lengri leiðina heim.
Hafa samband
Netfang: skipulag@reykjavik.is
Verkefnið heyrir undir embætti skipulagsfulltrúa á umhverfis- og skipulagssviði Reykjavíkurborgar.