Miðja máls og læsis

Miðja máls og læsis er þekkingarteymi á vegum Reykjavíkurborgar sem fer á vettvang og veitir kennurum og starfsfólki í skóla- og frístundastarfi stuðning, ráðgjöf og fræðslu varðandi málþroska, læsi, íslensku sem annað mál, fjöltyngi og fjölmenningu.

Hjá Miðju máls og læsis starfa sérfræðingar í málþroska, læsi, íslensku sem öðru tungumáli, fjöltyngi og fjölmenningu. 

Brúarsmiðir eru sérfræðingar í tungumálum og menningarmiðlun. 

Læsisráðgjafar í leik- og grunnskólum eru sérfræðingar í málþroska og læsi.

Ráðgjafar vegna barna með fjölbreyttan tungumála- og menningarbakgrunn í grunnskólum eru sérfræðingar í móttöku og kennslu íslensku sem annars tungumáls. 

Verkefnastjórar fjölmenningar í skóla- og frístundastarfi eru sérfræðingar um inngildandi starfhætti.

Allt starfsfólk í skóla- og frístundastarfi getur óskað eftir ráðgjöf eða stuðningi frá Miðju máls og læsis.

Stjórnendur í skóla- og frístundastarfi geta óskað eftir fræðslu eða námskeiðum fyrir stóra eða smáa hópa innan sinnar starfsstöðva.

Foreldrafélög í Reykjavík geta óskað eftir fræðslu eða stuðningi.

Hjá Miðju máls og læsis starfa sérfræðingar í máltöku, málþroska, læsi, fjöltyngi, kennslu íslensku sem annars máls, foreldrasamstarfi, starfsþróun og fjölmenningarlegum starfsháttum. MML getur einnig haft milligöngu um að finna sérfræðing á viðkomandi sviði þegar þekking er ekki til staðar innan MML.

Fræðslu er hægt að sníða að þörfum hvers og eins. Hvort sem beðið er um stutt erindi, námskeið, fræðslufundi, vinnufundi eða styttri ráðgjöf eða ráðgjöf með eftirfylgd.

Best er að senda póst á mml@reykjavik.is og taka fram hvers konar ráðgjöf eða fræðslu er óskað eftir.