Mæðragarðurinn

Um Mæðragarðinn

Mæðragarðurinn stendur við Lækjargötu, móts við Vonarstræti við hliðina á gamla Barnaskólanum en það húsnæði tilheyrir nú Kvennaskólanum í Reykjavík. Nafn garðsins vísar til styttunnar Móðurást eftir Nínu Sæmundsson sem Reykjavík keypti árið 1928 og prýðir garðinn.

Saga

• Framkvæmdir við almenningsgarð á óræktuðum bletti norðan Barnaskólans við Lækjargötu hófust 1925 en þar var vatnsból til forna sem tilheyrði hjáleigunni Skálholtskoti.
• Árið 1928 var styttan Móðurást eftir Nínu Sæmundsson keypt af Listvinafélagi Reykjavíkur en styttan hafði verið til sýnis í París nokkrum árum fyrr.
• Ekki hafa varðveist heimildir um hönnun og ræktunarsögu í garðinum en hann var lengi vel vinsælt leiksvæði barna og vel sóttur af almenningi.
• Garðurinn var endurskipulagður árið 1961.
• Söluturninn á Lækjartorgi stóð í Mæðragarðinum milli 1989 og 2011.

Heimildir

• Bragi Bergsson. 2012. Almenningsgarðar á Íslandi. Ritgerð til MA-prófs. Háskóli Íslands, Hugvísindasvið.
• Guðjón Friðriksson. 1991-1994. Saga Reykjavíkur. Bærinn vaknar. 1870-1940.