Forsetakjör 2024
Forsetakjör fer fram laugardaginn 1. júní 2024. Kjörstaðir í Reykjavík eru opnir kl. 9:00–22:00. Kjörskrá er aðgengileg í Ráðhúsi Reykjavíkur frá og með 10. maí.
Hvar er kjörstaðurinn minn?
Gott að vita
Er ég á kjörskrá í Reykjavík?
Ef þú ert ekki viss um hvort þú ert á kjörskrá í Reykjavík getur þú flett upp í kjörskrárstofni á vef Þjóðskrár
Hvað eru margir kjörstaðir?
Í forsetakosningunum 2024 eru 25 kjörstaðir í Reykjavík.
- Álftamýrarskóli, 2 kjördeildir
- Árbæjarskóli, 6 kjördeildir
- Borgarbókasafnið Kringlunni, 2 kjördeildir
- Borgaskóli, 4 kjördeildir
- Breiðagerðisskóli, 4 kjördeildir
- Breiðholtsskóli, 3 kjördeildir
- Dalskóli, 2 kjördeildir
- Foldaskóli, 5 kjördeildir
- Fossvogsskóli, 3 kjördeildir
- Frostaskjól, 4 kjördeildir
- Hagaskóli, 5 kjördeildir
- Hlíðaskóli, 4 kjördeildir
- Höfðatorg, 2 kjördeildir
- Ingunnarskóli, 4 kjördeildir
- Íþróttamiðstöðin Austurbergi, 5 kjördeildir
- Kjarvalsstaðir, 4 kjördeildir
- Klébergsskóli, 1 kjördeild
- Laugalækjarskóli, 5 kjördeildir
- Norðlingaskóli, 2 kjördeildir
- Ráðhús, 8 kjördeildir
- Rimaskóli, 3 kjördeildir
- Vesturbæjarskóli, 2 kjördeildir
- Vogaskóli, 6 kjördeildir
- Ölduselsskóli, 6 kjördeildir
Eru allir kjörstaðir aðgengilegir?
Allir kjörstaðir í Reykjavík eru aðgengilegir. Kjósendur geta óskað eftir vasa með blindraletri utan um kjörseðilinn sinn.
Þarf ég að koma með skilríki?
Kjósendur gera grein fyrir sér á kjörstað með því að framvísa skilríkjum. Greiðslukort og skilríki með mynd og kennitölu teljast fullgild. Kjósandi sem mætir skilríkjalaus á kjörstað getur leitað til hverfiskjörstjórnar og fengið aðstoð við að láta sannreyna hver hann er.
Hvar er kosið utan kjörfundar erlendis?
Kjósendur þurfa að hafa samband við sendiráð eða ræðismann í viðkomandi landi til að vita hvar og hvenær er hægt að kjósa.
Ef kjósandi er í vafa um hvar og hvernig eigi að kjósa erlendis er best að hafa samband við borgaraþjónustu utanríkisráðuneytisins í gegnum hjalp@utn.is eða í síma +354 5459900.
Hvar er kosið utan kjörfundar á Íslandi?
Atkvæðagreiðsla utan kjörfundar hjá sýslumönnum vegna forsetakjörs þann 1. júní 2024 hófst fimmtudaginn 2. maí 2024.
Atkvæðagreiðsla utan kjörfundar við embætti Sýslumannsins á höfuðborgarsvæðinu fer eingöngu fram í Holtagörðum á 1. hæð.
Get ég fylgst með talningunni?
Talning hefst kl. 22:00 og er öllum opin. Streymt verður frá talningunni á vef Reykjavíkurborgar.
Framlögð kjörskrá og aðsetur yfirkjörstjórna
Kjörskrá liggur fyrir í afgreiðslu Ráðhúss Reykjavíkur.
Aðsetur yfirkjörstjórna Reykjavíkurkjördæmis norður og suður verður í Ráðhúsi Reykjavíkur á kjörfundi.
Aðsetur beggja kjörstjórna verður í Laugardalshöll eftir að kjörfundi lýkur en þar fer talning atkvæða fram.
Aðsetur yfirkjörstjórnar Reykjavíkur verður sömuleiðis í Ráðhúsi Reykjavíkur.
Þarftu frekari upplýsingar eða aðstoð?
Allar upplýsingar varðandi kosningar í Reykjavíkurborg eru veittar í síma 411 4915 og á netfanginu kosningar@reykjavik.is
Þjónustuver borgarinnar svarar almennum fyrirspurnum í síma 411 1111, á netspjalli og í gegnum netfangið upplysingar@reykjavik.is