Kynjafræðsla fyrir leikskólastig

Teikning af skólahúsnæði í laginu eins og bók

Hér má finna verkfærakistu sem inniheldur efni sem gott er að nota við undirbúning og kennslu í kynjafræði á leikskólastigi. 

Ofursterkar prinsessur / Ofur mjúkar hetjur

Litabækur með prinsessum og ofurhetjum sem afbyggja staðalmyndir. Höfundur er sænska listakonan Linnea Johanson.

 

Viðfangsefni: Jafnrétti - Hinsegin - Staðalímyndir - Kynhlutverk - Trans

Meira um ofur sterkar prinsessur Meira um ofur mjúkar hetjur
Teikning af myndum sem Fjóla hefur teiknað í frístund

UNICEF

Í þrautabók UNICEF geta börn leyst ýmsar þrautir  um leið og þau læra um Barnasáttmála Sameinuðu þjóðanna.

 

Litabók UNICEF er á tíu tungumálum og fjallar um réttindi barna samkvæmt Barnasáttmála Sameinuðu þjóðanna. Hægt er að prenta bókina út.

Þrautabók UNICEF Litabók UNICEF
Teikning af Fjólu með vinkonu í frístund

Ýmsar bækur sem geta hentað vel

Eftirfarandi bækur getur verið gott að eiga og lesa með börnunum til að auka skilning þeirra á jafnrétti, mannréttindum og lýðræði.

Ég þori, ég get, ég vil! Skemmtileg og fallega myndskreytt bók eftir Lindu Ólafsdóttur um Kvennafrídaginn 1975.

Bækur um Sigurfljóð sem hjálpar öllum, eftir Sigrúnu Eldjárn: Efni: Jafnrétti - Staðalímyndir - Kynhlutverk - Fyrirmyndir

  • Áfram Sigurfljóð
  • Sigurfljóð í grænum hvelli  Sigurfljóð hjálpar öllum 

Frábærlega framúrskarandi konur sem breyttu heiminum segir frá undraverðum konum sem unnu óviðjafnanleg afrek. Efni: Jafnrétti - Staðalímyndir - Kynhlutverk - Fyrirmyndir

Hugdjörf hetja fjallar um prins sem er uppfullur af gamaldags hugmyndum um kynin sem passa ekki í nútíma heim. Efni: Jafnrétti - Staðalímyndir - Kynhlutverk

Íslandsdætur er bók um sögu rúmlega fjörutíu framúrskarandi kvenna sem spanna tímann allt frá upphafi byggðar á Íslandi til dagsins í dag. Efni: Jafnrétti - Kvennasaga - Fyrirmyndir - Kynhlutverk

Sipp, Sippsippanipp, Sippsippanippsippsúrumsipp - systurnar sem ætluðu sko ekki að giftast prinsum! fjallar um ungar prinsessur á framabraut. Efni: Jafnrétti - Staðalímyndir - Kynhlutverk - Fyrirmyndir

Vigdís : Bókin um fyrsta konuforsetann kynnir nýja kynslóð fyrir Vigdísi Finnbogadóttur. Efni: Jafnrétti - Staðalímyndir - Kynhlutverk - Fyrirmyndir

Þegar Rósa var Ragnar / Þegar Friðrik var Fríða er bók sem ætlað er að skapa umræður með ungum börnum um kynhlutverk og jafnrétti. Með bókinni fylgja kennsluleiðbeiningar. 

Verkefni

Byggjum betri heim er verkefnahefti sem skátahreyfingin tók saman og byggir á heimsmarkmiðum Sameinuðu þjóðanna. Verkefnin er hægt að aðlaga að öllum aldurshópum.

Er ég strákur eða stelpa? er námsefni fyrir elstu leikskólabörnin til að skoða kynjahlutverk og staðalímyndir. Með efninu fylgja spurningum til barnanna eftir lestur.

Verkefnið Söguskjóður er unnið í sex og átta vikna lotum með það að markmiði að efla tengsl foreldra við skólann.

Heimamenning er verkefni þar sem börnin fá karton með sér heim og vinna með foreldrum að veggspjaldi um hvað þau vilja sýna að heiman. 

Heimamál– tungumálavikur. Heimamál er það tungumál sem barn talar á heimili sínu. Í tungumálavikum eru heimamál barna og kennara tekin fyrir í leikskólanum. 

Myndbönd og vefsíður

Verkefnakista jafnréttisnefndar er vefsíða með verkfærum fyrir jafnréttis og kynjafræðslu sem er skipt eftir skólastigum. 

 

Í myndbandinu 'Betra að segja en þegja' ræðir Ævar Þór Benediktsson, betur þekktur sem Ævar vísindamaður, við áhorfendur um ofbeldi, mismunandi birtingarmyndir þess og mikilvægi þess að segja frá.

 

Sjá verkfærakistu jafnréttisnefndar Sjá betra að segja en þegja
Teikning af persónu sem situr á stól. Í kringum hana er brauðrist með hendur, blóm sem vökvar sig sjálft, sími og fartölva.