Greiðsluskilmálar fyrir sumarstarf frístundamiðstöðva og sértækra félagsmiðstöðva

Systkinaafsláttur

Veittur er 20% systkinaafsláttur án umsóknar vegna systkina sem eru með sama lögheimili og lögheimilistengsl í þjóðskrá og eru í sumarstarfi frístundaheimila á vegum skóla- og frístundasviðs í sama mánuði. Afsláttur reiknast af fullu gjaldi eldra barnsins. Sækja þarf um afsláttinn ef um er að ræða börn foreldra í skiptri búsetu foreldranna á þar til gerðri umsókn. Ekki er veittur systkinaafsláttur af gjaldi í sumarsmiðjur félagsmiðstöðva fyrir 10-12 ára.

• Umsókn um systkinaafslátt barna í skiptri búsetu

Afskráning

Vinsamlega athugið að ef hætta á við þátttöku í námskeiði/smiðju þarf að tilkynna það skriflega til viðkomandi frístundamiðstöðvar að minnsta kosti 11 dögum áður en námskeið/smiðja hefst (t.d. fyrir miðnætti á miðvikudegi þegar námskeið/smiðja hefst á mánudegi rúmri viku seinna). Ella verður gjaldið innheimt að fullu.

Gjalddagi

Gjald fyrir sumarstarf frístundaheimila er innheimt eftir á. 

Staðgreitt er fyrir smiðjur við skráningu með greiðslukorti. 

Gjalddagi er fyrsti dagur næsta mánaðar. Eindagi er 30 dögum eftir gjalddaga. Hafi gjaldið ekki verið greitt á eindaga leggjast á dráttarvextir og vanskilakostnaður. Hafi ekki verið greitt innan 50 daga frá gjalddaga er krafan send í milliinnheimtu hjá Momentum. Ekki er hægt að nota frístundakort til að niðurgreiða sumarstarf.