Margvíslegar nýjungar í Vinnuskólanum í sumar

Allir  hóparnir störfuðu af miklum metnaði við að fegra hverfin sín og eiga þau mikið hrós og þakkir skilið.

Margvíslegar nýjungar voru teknar upp í starfsemi Vinnuskólans að þessu sinni. 

Helst ber að nefna nýtt skráningarkerfi, aðkomu unglinganna að undirbúningi verkefna og samkeppni um fegrun svæða. Eins voru gerðar töluverðar breytingar á fræðslu til nemenda. Fræðslan var að öllu leyti starfstengd og áhersla lögð á að kenna nemendum gagnlega þætti sem snúa að framtíðarþátttöku þeirra í atvinnulífinu. 

Nemendur voru meðal annars fræddir um yfirferð launaseðla, um réttindi og skyldur starfsfólks, hvernig ferilskrá er gerð og hvað þurfi að hafa í huga við undirbúning fyrir atvinnuviðtöl.

Stolt af vel heppnuðu starfi

Við erum afar  stolt og hreykin  af öllum unglingunum sem störfuðu hjá Vinnuskólanum í sumar og þökkum þeim og öllu okkar góða samstarfsfólki fyrir lærdómsríkt og gott sumar.

• Kíkt í heimsókn í Vinnuskólann
• Gott að vinna í Vinnuskólanum
• Vinnuskólinn á facebook
• Vinnuskólinn heimasíða