Vetrarþjónustan á fullu 30. desember

Unnið var í dag að því breikka og snyrta götur til að undirbúa næstu tvo daga sem gætu orðið erfiðir til ferða. Einnig hefur snjór verið keyrður burtu á vörubílum í dag. 

Veðurspáin slæm fyrir gamlársdag

Reykjavíkurborg tekur undir hvatningu Lögreglu, Vegagerðar og Veðurstofu til íbúa að gera sem mest í dag föstudag og biður jafnframt fólk um að fara ekki út á vanbúnum bifreiðum í fyrramálið. Gular viðvarnir verða á höfuðborgarsvæðinu. 

Vetrarþjónustan mun eftir atvikum sinna strætóleiðum og öðrum meginleiðum í gatnakerfi borgarinnar á gamlársdag. Færð verður leiðinleg og jafnvel ófært.

Ljóst er að ef veðurspár ganga eftir verða töluverðar samgöngutruflanir næstu 2 sólarhringa ef ekki lengur í borginni. Spáð er vaxandi suðaustanátt í nótt, 10-15 m/s og snjókomu undir morgun. Hægari og él nálægt hádegi, frost 2 til 6 stig seinnipartinn. Búist er við öðrum hvelli um kvöldið. 

Áhöld um veður til að skjóta flugeldum eða tendra brennur

Almennt er búist við skafrenningi á höfuðborgarsvæðinu með takmörkuðu eða lélegu skyggni og versnandi akstursskilyrðum. Veðurstofan bendir fólki á að sýna varkárni og fylgjast með veðurspám. Sennilega viðrar ekki vel um áramótin til þess að skjóta upp flugeldum í Reykjavík. 

Almannavarnir: Óvissustig á höfuðborgarsvæðinu.

Ákveðið verður fyrir hádegi á gamlársdag hvort leyfi fæst til að tendra brennur á höfuðborgarsvæðinu en það er ekki leyfilegt ef vindhraði fer yfir 10 m/s. 

Von er á austan og suðaustan hvassvirði eða hríð sem hefst um eittleytið í nótt. Gott að hafa í huga að fyrir miðnætti á gamlárskvöld fer veðrið að minna á sig á ný.  Samkvæmt veðurspám verður slæmt veður á nýárnótt.

Sorphirðan 30.12.22

Gráa tunnan er tæmd samkvæmt áætlun en orðin er 4-5 daga töf á tæmingu á bláum undir pappa og grænum undir plast. Gert er ráð fyrir að unnið verði á gamlársdag nema veðrið seti strik í reikninginn. 

• Sjá upplýsingasíðu um snjómokstur og hálkuvarnir
• Sjá upplýsingasíðu um sorphirðu