Framkvæmdir og viðhald
Skrifstofa framkvæmda og fasteignaþjónustu ber ábyrgð á öllum verklegum framkvæmdum sem tengjast mannvirkjum Reykjavikurborgar, húseignum hennar, gatnakerfi og opnum svæðum. Í því felst uppbygging þeirra og viðhald. Ákvarðanir um nýframkvæmdir eru teknar í borgarráði og samþykktar í borgarstjórn.
Nánar
Til grundvallar framkvæmdum hvers árs liggur samþykkt fjárfestingaáætlun og til lengri tíma 3ja ára starfs- og fjárhagsáætlun. Samráðs- og samþykktarferli framkvæmda tekur mið af líftíma mannvirkja: Frá undirbúningsstigi þeirra þar sem stóru línurnar eru lagðar miðað við gefnar forsendur, yfir í hönnun og áætlanagerð þegar ítarlegri útfærslur liggja fyrir, sem og kostnaðarútreikningar. Á hverju þessara stiga er haft samráð við hagsmunaaðila, íbúa og notendur. Við lok hvers þáttar eru málin kynnt innan borgarkerfisins og eftir atvikum samþykkt í viðkomandi ráði.
Framkvæmdasjá
Hér er hægt að fylgjast með helstu framkvæmdum á vegum borgarinnar.
Skrifstofa framkvæmda og fasteignaþjónustu (SFF)
Skrifstofa framkvæmda og fasteignaþjónustu (SFF) annast stofnframkvæmdir á vegum Reykjavíkurborgar og sér um viðhald á eignasafni Reykjavíkurborgar þ.e. húseignum og samgöngumannvirkjum.
Hlutverk SFF er að stuðla að sem bestu verklagi, hagkvæmni, gæðum og skilvirkni við framkvæmdir á vegum borgarinnar.
SFF gerir frumathugun, þarfagreiningu og forhönnun á verkefnum áður en endanleg ákvörðun um framkvæmd er tekin. Að því loknu sér SFF um fullnaðarhönnun verkefna, áætlanagerð, framkvæmdir og verkeftirlit.
Mannvirki og framkvæmdir í borgarlandinu eru hönnuð til útboðs í samráði við viðkomandi fagsvið og útfærslur kynntar fyrir viðkomandi ráðum.
SFF ber ábyrgð á að haga innkaupum sínum í samræmi við innkaupastefnu og innkaupareglur borgarinnar um innkaup á vörum, þjónustu og verklegum framkvæmdum.
Fyrirspurnir og/eða ábendingar
Ábendingar og fyrirspurnir um framkvæmdir á vegum borgarinnar.
Getur þú sent í gegnum ábendingarvef Reykjavíkurborgar