Leiðrétting á álagningu fasteignaskatts gistirýma

Vegna þess að gilt rekstrarleyfi er á fasteigninni og því um atvinnustarfsemi að ræða í mannvirki sem nýtt er fyrir ferðaþjónustu. Öll slík mannvirki eru í C skatti. Á árunum 2017-2024 var hægt að sækja um rekstrarleyfi á gistingu í flokki II í íbúðarhúsnæði. Í dag þarf að vera með skráð og samþykkt atvinnuhúsnæði svo það sé hægt.

A skattur er 0,18% af fasteignamati húss og lóðar og C skattur 1,60% af fasteignamati húss og lóðar.

Nei, heimagisting er ekki rekstrarleyfisskyld og ekki talin til atvinnustarfsemi. Skilyrði heimagistingar má sjá á vef sýslumannsins á höfuðborgarsvæðinu.

Rekstrarleyfi eru afturkölluð hjá sýslumanni og skattflokkur er leiðréttur í kjölfarið.

Já, heimagisting er heimiluð að nánari skilyrðum og skráningu uppfylltum. Leiðbeiningar má nálgast á vef sýslumannsins á höfuðborgarsvæðinu.

Nei, þessi leiðrétting verður ekki afturvirk.

Rekstrarleyfi fyrir gististað í flokki II eru gild allt árið og talin sem heilsársstarfssemi.

Eftir lagabreytingu 1. janúar 2017 var flokkun gististaða breytt, heimagisting skilgreind sérstaklega, á meðan gististaður í flokki II var skilgreindur sem gististaður án veitinga, sbr. 3. gr. laganna. Lögin gerðu þó ekki sérstakan áskilnað um að gististaður í flokki II væri í skilgreindu atvinnuhúsnæði, þó um atvinnustarfsemi væri að ræða sem bæði væri háð rekstrarleyfi leyfisveitanda og starfsleyfi heilbrigðisnefndar.

Í kjölfarið voru fasteignir með gildandi rekstrarleyfi, hvort sem þær voru í skráðu íbúðarhúsnæði eða atvinnuhúsnæði, ýmist afmarkaðar undir skattflokk A eða C, og einnig blandað. Með öðrum orðum hefur umrædd lagaþróun leitt til ósamræmis við álagningu skatta og er ekki í samræmi við raunverulega notkun húsnæðis, sbr. 3. mgr. 3. gr. laga um tekjustofna sveitarfélaga 4/1995 og reglugerðar um fasteignaskatt nr. 1160/2005. Þessi þróun samræmist hvorki tilgangi né markmiði laga nr. 85/2007, sem er að stuðla að auknum stöðugleika í rekstri, sbr. 2. gr. laga nr. 85/2007. 

Með breytingu á lögunum sem tóku gildi 13. maí 2024, er gististarfsemi í flokki II nú gert að vera í skráðu atvinnuhúsnæði. Er því tilefni til að yfirfara afmörkun skattaflokka skv. 3. gr. laga nr. 4/1995, samræma álagningu, og leiðrétta þar sem þarf. Slík leiðrétting stuðlar að jafnræði, gagnsæi og réttmætum væntingum rekstraraðila og er í samræmi við gildandi lög og vandaða stjórnsýsluhætti. 

Leiðréttingin tók gildi 1. janúar 2025 en verður ekki afturvirk. Álagningarseðill með leiðréttri álagningu mun birtast á island.is þann 27. janúar nk.