Óskað eftir tilnefningum til Aðgengisviðurkenningar Reykjavíkurborgar
Aðgengisviðurkenningu Reykjavíkurborgar er ætlað að gera aðgengismálum hærra undir höfði og varpa ljósi á það sem vel er gert í málaflokknum.
Gott aðgengi í víðum skilningi þess hugtaks er mikilvægt mannréttindamál og undirstaða þess að fólk með fjölbreyttar aðgengisþarfir geti tekið þátt í samfélaginu á jafnréttisgrundvelli.
Hver á að fá viðurkenningu fyrir gott aðgengi?
Viðurkenningin er veitt þeim einstaklingum, hópum, félagasamtökum, fyrirtækjum eða stofnunum sem á eftirtektarverðan hátt hafa staðið vörð um gott aðgengi með fjölbreyttum hætti.
Hver á skilið að fá aðgengisviðurkenningu Reykjavíkurborgar, ert þú með hugmynd?
Sendu tilnefningu ásamt rökstuðningi á netfangið adgengi@reykjavik.is
Umsóknarfrestur er til og með 24. apríl 2026.
Eftirtaldir aðilar hafa hlotið Aðgengisviðurkenningu Reykjavíkurborgar:
2024 Katarzyna Beata Kubis hlaut verðlaunin í fyrra fyrir upplýsingatorg sem ætlað er forráðafólki og aðstandendum fatlaðra barna.
2023 Bíó Paradís fyrir að hafa stórbætt aðgengi fatlaðs fólks með fjölbreyttar aðgengisþarfir að kvikmyndahúsinu.
2022 Inga Björk Margrétar-Bjarnadóttir fyrir baráttu sína fyrir bættu aðgengi í stafrænum heimi.
2021 Haraldur Þorleifsson fyrir verkefnið Römpum upp Reykjavík.
2020 Samtök hernaðarandstæðinga og Friðarhús SHA ehf. fyrir mikilvægt frumkvæði í aðgengismálum með uppsetningu á hjólastólalyftu í Friðarhúsinu.
2019 Áslaug Katrín Aðalsteinsdóttir og Berglind Hallgrímsdóttir fyrir gerð handbókar um algilda hönnun í útiumhverfi.
2018 Blindrafélagið fyrir fjölbreytt starf í þágu blindra og sjónskertra sem hefur stórlega bætt aðgengi hópsins að samfélaginu.