Torg í biðstöðu

Reykjavíkurborg vill vera skapandi, græn, fyrir fólk og allskonar. Þessi stefnumið kristallast í verkefninu Torg í biðstöðu sem ætlað er að virkja skapandi borgarbúa, hlúa að almenningsrýmum borgarinnar og breyta til.

  • Hlemmur er gott dæmi um biðsvæði
    Hlemmur
  • Breiðholt
  • Laugavegur
  • Hlemmur
  • Holt
  • Þórsgata
  • Breiðholt
  • Grjótaþorp
  • Bernhöftstorfan

Torg í biðstöðu 

Verkefnið gengur út á að lífvæða svokölluð biðsvæði í borginni með tímabundnum lausnum. Verkefnið hefur verið í gangi á torgum og almenningssvæðum í borginni  frá árinu 2010. Það snýst um að lífvæða og endurskilgreina biðsvæðin með tímabundnum lausnum en oft ríkir óvissa um notkun og möguleika þeirra í framtíðinni. 
Umsóknarfrestur fyrir sumarið 2017 hefur verið framlengdur til 17. apríl.
Biðsvæðunum er úthlutað til hópa og einstaklinga sem vilja gera tilraunir til að glæða þau lífi. Um leið er reynt að vekja hagsmunaaðila til umhugsunar um sitt nánasta umhverfi og að virkja þá til að taka þátt í að þróa svæðin til framtíðar.
 
Á vormánuðum óskar Reykjavíkurborg eftir hugmyndaríkum og áhugasömum einstaklingum eða hópum sem taka almenningssvæði í borginni í fóstur. Verkefnið stendur að jafnaði yfir frá maí til september ár hvert og er ætlað að skapa skemmtilegri torg í skemmtilegri borg.
 
Nánari upplýsingar fást með því að senda tölvupóst á netföngin olafur.ingibergsson@reykjavik.is eða edda.ivarsdottir@reykjavik.is.
 

Sumarið 2017

Eftirfarandi svæði er hægt er að sækja um:
  • Bernhöftstorfa
  • Fógetagarður
  • Vitatorg
  • Frakklandsgarður (við Frakkastíg)
  • Göngugötusvæði í miðborginni
Umsækjendur eru einnig hvattir til þess að sækja um önnur svæði sem þeir hafa áhuga á að vinna með í verkefnum sínum. Athygli er vakin á að í einhverjum tilfellum getur hópum verið falið að vinna með önnur torg en þeir sóttu um.
 
Umsóknarfrestur hefur verið framlengdur til 17. apríl og skal senda umsóknir á netfangið olafur.ingibergsson@reykjavik.is og merkja með efnislínunni (subject) „Umsókn um biðsvæði“. Umsóknir þurfa að vera í fylgiskjali með póstinum og koma skal fram ítarleg lýsing á verkefninu og hvaða svæði sótt er um. Einnig þarf að fylgja ferilskrá og/eða kynnisbréf allra umsækjenda þar sem fram kemur fullt nafn, kennitala, netfang og símanúmer.
Valið verður úr umsóknum fyrir 24. apríl og gert er ráð fyrir að verkefnin verði tilbúin í byrjun júní.
 

Þarfnast þessi síða lagfæringar?

2 + 2 =