Frístundastyrkur - Frístundakortið

Teikning af persónu halda á stóru greiðslukorti með lógó Reykjavíkurborgar.

Frístundakortið er styrkjakerfi í frístundastarfi fyrir 6–18 ára börn og unglinga með lögheimili í Reykjavík. Styrkurinn er 75.000 krónur á ári og þú getur notað hann til þess að greiða niður dvöl á frístundaheimili eða hluta af þátttöku- og æfingagjöldum barnsins þíns. 

Athuga stöðu frístundastyrks Spurt og svarað um frístundastyrk

Hvenær á barnið mitt rétt á frístundastyrk?

Ef barnið þitt verður sex ára á árinu á það rétt á frístundastyrk frá 1. janúar það ár og út árið sem barnið verður 18 ára. Einstaklingar á 18 ári þurfa að skrá sig sjálfir til þess að ráðstafa styrknum.

Athugaðu að þú getur ekki flutt styrkinn á milli ára og ekki er heimilt að flytja hann á milli barna. Báðir forsjáraðilar barns geta nýtt Frístundakortið og er það gert rafrænt.

Markmið og tilgangur Frístundakortsins

Markmiðið er að öll börn og unglingar í Reykjavík á aldrinum 6–18 ára geti tekið þátt í frístundastarfi óháð efnahag og félagslegum aðstæðum. Frístundakortinu er ætlað að auka jöfnuð í samfélaginu og fjölbreytileika í iðkun íþrótta-, lista- og tómstundastarfsemi.

Athugaðu að ekki þarf að sækja um styrkinn, hann er til ráðstöfunar undir kennitölu forsjáraðila.

Ráðstöfun styrks

  • Hægt er að ráðstafa frístundastyrk hjá aðildarfélögum Frístundakortsins.
  • Forsjáraðilar ráðstafa styrk í gegnum kerfi þeirra félaga sem barnið er skráð hjá. 
  • Opið er fyrir ráðstöfun frá 1. janúar til 31. desember. 
  • Innheimta aðildarfélaga er með ýmsum hætti og er mikilvægt að forsjáraðilar kynni sér hvernig er háttað hjá aðildarfélagi síns barns. Félögum er heimilt að ákveða sjálf lokadag ráðstöfunar á hverri önn svo hægt sé að ganga frá innheimtu eftirstöðva séu þær einhverjar. 
Athugaðu að ráðstöfun Frístundastyrksins fer nú eingöngu fram í gegnum skráningarkerfi félaga.
Athugaðu einnig að upplýsingar um stöðu eru aðeins aðgengilegar forsjáraðilum.

Umsókn um aðild að Frístundakorti

Forsvarsmenn félaga, skóla eða aðrir námskeiðshaldarar geta gerst aðilar að Frístundakorti Reykjavíkur. Félög þurfa að uppfylla þau skilyrði sem fjallað er um í reglum um Frístundakort. Til þess að gerast aðili sækir þú um hér og umsóknin verður tekin til afgreiðslu. 

Fyrirspurnir og/eða ábendingar

Fyrirspurnir, ábendingar eða kvartanir berist á netfangið fristundakort@reykjavik.is