Þjónustumiðstöð Vesturbæjar, Miðborgar og Hlíða

  • Húsið að Laugavegi 77 þar sem þjónustumiðstöðin er til húsa.

Opnunartími:

Opin alla virka daga frá kl. 8:30 til 16:00.

Almennt um þjónustumiðstöðina

Þjónustumiðstöð Vesturbæjar, Miðborgar og Hlíða er ein af fimm þjónustumiðstöðvum í Reykjavík.  

Þú getur pantað tíma í ráðgjöf og/eða fengið allar almennar upplýsingar um þjónustuna með því að hringja í þjónustumiðstöðina eða senda tölvupóst.

Hlutverk þjónustumiðstöðvarinnar er að veita þverfaglega og samræmda velferðarþjónustu til einstaklinga og fjölskyldna í Vesturbæ, Miðborg og Hlíðum, sérfræðiþjónustu við leik- og grunnskóla, daggæsluráðgjöf, frístundaráðgjöf og aðra faglega þjónustu til stofnana og félagasamtaka í hverfunum.  Þjónustumiðstöðin er þekkingarstöð í fjölmenningu og margbreytileika og hefur á að skipa starfsfólki sem er sérhæft í málefnum útlendinga og utangarðsfólks. Við þjónustumiðstöðina starfa um 420 manns.

 Á þjónustumiðstöðinni er lögð áhersla á samstarf við aðrar stofnanir og félagasamtök í hverfunum, til dæmis í forvarnarstarfi.  Má þar til dæmis nefna grunn- og leikskóla, félagsmiðstöðvar, lögreglu, íþróttafélög, trúfélög o.fl.

Hverfisráð Miðborgar, hverfisráð Hlíða og hverfisráð Vesturbæjar halda fundi sína í þjónustumiðstöðinni.

Framkvæmdastjóri Þjónustumiðstöðvarinnar er Sigþrúður Erla Arnardóttir

Þarfnast þessi síða lagfæringar?

2 + 1 =