Tónskóli Sigursveins D. Kristinssonar - Breiðholti
Tónlistarskóli
Hraunberg 2
111 Reykjavík
Sækja um tónlistarnám
Þú getur sótt um tónlistarnám við Tónskóla Sigursveins D. Kristinssonar á rafrænan hátt með því að fylla út umsókn í gegnum heimasíðu skólans.
Um Tónskóla Sigursveins
Tónskóli Sigursveins er stærsti tónlistarskólinn í Reykjavík með hátt í 600 nemendur. Skólinn leggur áherslu á vandaða og metnaðarfulla kennslu og hefur á að skipa öflugu liði kennara, bæði sérfræðingum í tónlistarkennslu og starfandi hljóðfæraleikurum. Skólinn býður upp á fjölbreytt tónlistarnám á öllum skólastigum svo sem Suzukinám, forskóla og nám í hljóðfæraleik á flest öll hljóðfæri á sviði klassískrar og rytmískrar tónlistar.
Stærð skólans býður upp á öflugt hópstarf en í skólanum starfa strengjasveitir, gítarsveitir, flautukórar, kammerhópar, rytmasveitir, Suzukihópar auk tónfræðigreina á öllum námsstigum og vinnustofan Píanó Plús í píanóleik. Tónskólinn býður einnig reglulega upp á masterclass námskeið og eru þau öllum opin.
Stór hópur nemenda stundar nám á framhaldsstigi og er námsframboð skólans góður undirbúningur fyrir háskólanám í tónlist. Námsáfangar í hljóðfæraleik og tónfræðagreinum eru metnir til eininga í framhaldsskólum. Tónskóli Sigursveins starfar í Hlíðum og í Breiðholti: Hólabrekkuskóla, Fellaskóla og Fjölbrautaskólann í Breiðholti.
Skólastjóri er Júlíana Rún Indriðadóttir
