Hreinsun gatna og gönguleiða | Reykjavíkurborg

Hreinsun gatna og gönguleiða

Reykjavíkurborg sér um hreinsun á götum og gönguleiðum. Megináherslan er hreinsun gatna og gönguleiða á vorin og fram á sumar.  

Hvenær eru götur og gönguleiðir hreinsaðar?

Megináherslan í hreinsun gatna og gönguleiða er á vorin og fram á sumar. Einnig er farin yfirferð að hausti til að viðhalda góðu ástandi og þá er sérstök áætlun um hreinsun miðborgarinnar. Upplýsingar um þessi verkefni eru hér neðar á síðunni.  Á veturna tekur við snjóhreinsun og er sérstök upplýsingasíða um hana.   

Í Borgarvefsjá er hægt að skoða framvindu hreinsunar.  Í sjánni er síðan ýtt á takka merktan „Skýringar“ til að sjá hvað litirnir þýða. Einnig má nota „Meira“ takkann og smella á ákveðna götu eða stíg til að sjá hvaða dag síðast var sópað.

Hreinsun að hausti

Að hausti fer fram ein umferð af sópun á götum og gönguleiðum til að viðhalda góðu ástandi eftir að laufblöð eru byrjuð að falla. Hér er verkáætlun í viku 40-44 eða í október 2018:

haust2.jpg

Hér er verkáætlunin haustsins í pdf skjali

Hreinsun að vori

Vorhreinsun fer fram í öllum hverfum þegar svæði koma skítug undan snjó. Húsagötur, stofnbrautir, tengi- og safngötur og gönguleiðir eru sópaðar.  Dreifibréf eru send til íbúa og merkingar settar upp áður en húsagötur eru sópaðar og þvegnar. Íbúar eru beðnir um að færa bíla sína af almennum svæðum í götunni til að auðvelda þrifin. Einungis er þrifið á borgarlandi en ekki er farið inn fyrir lóðamörk. Forgangsröð í vorhreinsun: 

  • Hreinsun helstu göngu- og hjólastíga - sem og stofnbrauta og tengibrauta gatna og stíga í kringum þær hófst 14. mars (í viku 11)
  • Hreinsun húsagatna, stétta og stíga við þær hefst 16. apríl (í viku 16)

 

Hvenær er miðbærinn þrifinn?

Á tímabilinu 15. apríl - 15. nóvember er miðbærinn hreinsaður alla daga vikunnar frá kl. 6.00 til 9.00 með mismunandi tækjum. Miðbærinn er sápuþveginn að meðaltali aðra hverja viku og tjarnarbakkinn er hreinsaður vikulega. Stampar eru á fjölförnustu stöðunum tæmdir daglega. Á tímabilinu 15.nóvember - 14. apríl er miðbærinn hreinsaður fjóra daga vikunnar með mismunandi tækjum. Kort um hreinsun í miðborg í pdf.

Hvaða búnaður er notaður?

Til verksins eru notuð sérútbúin vélknúin tæki:

  • 2 götusópar með háþrýstisugu,
  • 4 götusópar,
  • 6 gangstéttasópar,
  • 2 dagsópar,
  • 4 sugur,
  • 4 stórir vatnsbílar,
  • 2 litlir vatnsbílar,
  • 1 stampalosunarbíll.

Fyrirspurnir og/eða ábendingar

Þjónustumiðstöð borgarlandsins hefur umsjón með hreinsun gatna og gönguleiða.

Við viljum gjarnan fá ábendingar um það sem betur má fara. Þú getur sett inn ábendingu og upplýsingar í ábendingakerfið okkar >>> SETJA INN ÁBENDINGU <<< eða hringt í þjónustuver Reykjavíkurborgar, Borgartúni 12 - 14, í síma 4 11 11 11. Starfsmenn þar færa þá ábendingu inn í kerfið. Opið kl. 8.20 - 16.15 alla virka daga. Netfang: upplysingar@reykjavik.is.

Þarfnast þessi síða lagfæringar?

9 + 1 =