Um Sundhöll Reykjavíkur

Arkitekt

Guðjón Samúelsson. Arkitektar viðbyggingar VA arkitektar.

Byggingarár

1929–1937

Saga byggingarinnar

Í æviminningum Knud Zimsen, bæjarverkfræðings 1902, kemur fram að hann gerði tillögu að byggingu yfirbyggðrar sundlaugar í Reykjavík, tillagan fékk ekki hljómgrunn í bæjarstjórn Reykjavíkur.

Árið 1927 kemur  Jónas frá Hriflu með þá hugmynd að ríkissjóður leggði fram 50 þúsund krónur í Sundhallarbyggingu gegn því að bæjarsjóður legði fram jafn háa upphæð. Tilllagan var ekki samþykkt.

Árið 1928 bar ríkisstjórnin fram frumvarp um byggingu Sundhallar í Reykjavík. Frumvarpið hljóðaði uppá að ríkið leggði fram 100 þúsund krónur og að borgin legði fram annað eins auk lóðarinnar.

Fyrsta tillaga Guðjóns Samúelssonar var bygging í burstabæjarstíl. Laugin átti að vera þrískipt, ein laugin átti að vera fyrir börn, önnur stærri fyrir íþróttamenn, sú þriðja átti að vera sjólaug. Hætt var við að byggja eftir fyrstu tillögu Guðjóns, en árið 1929 var byrjað á að reisa Sundhöllina í þeirri mynd sem hún er í dag. Í nokkur ár gekk hvorki né rak með bygginguna vegna fjárskorts. Sundhöllin var loksins tekin í notkun 23. mars 1937.

Stærð byggingar:	2.661 m2	Rúmmál:	9.590 m3
Stærð lóðar:	5.250 m2	Fjöldi bílastæða:	30

Viðbygging

Ný viðbygging Sundhallarinnar var tekin í notkun 3.desember 2017. Við val á tillögum sem bárust var lögð áhersla á að form og fyrirkomulag viðbyggingar tæki mið af eldra húsi þannig að aðalbyggingin nyti sín sem best um leið og til yrði samstæð heild. Laugargólf nýs útisvæðis er hæð neðar en frá Barónsstíg þar sem komið er inn afgreiðslu í nýrri viðbyggingu . Með þessu móti er suðurhlið aðalbyggingar að mestu óbreytt og vel sýnileg frá götunni. Nýir búningsklefar kvenna eru í viðbyggingu og búningsklefar karla í eldri byggingu voru gerðir upp og notaðir áfram. Í viðbyggingu er ný aðstaða fyrir laugarvörslu þar sem vel sést yfir nýja laugarsvæðið.

Aðallaug - inni

Lengd: 25 m, breidd: 10 m	Mesta dýpi: 4 m	Hitastig: 29°C
Flatarmál: 250 m2	Heildarvatnsmagn: 780 m3

Barnalaug - inni

Lengd: 7,2 m, breidd: 10 m	Mesta dýpi: 1,10 m
Flatarmál: 72 m2	Hitastig: 30°C

Útilaug

Lengd: 25 m, breidd: 10m	Mesta dýpi: 1,80 m	Minnsta dýpi: 0,90 m
Flatarmál: 250 m3	Hitastig 29°C

Vaðlaug

Á útisvæði er vaðlaug og sveppur.

Lengd 12,5 m x 11,2
Flatarmál: 140 m3	Hitastig 38°C

Heitir pottar

Nuddpottur uppi	Hitastig: 39°C	16,7 m2 | 17,6 m3
Heitur pottur uppi	Hitastig: 42°C	10,4 m2 | 10,9 m3
Nuddpottur úti	Hitastig 40°C

Kaldur pottur

Á útisvæði við eimbað er hringlaga kaldur pottur.

Hitastig: +/- 10°C

Eimbað

Eimbað

Sameiginlegt fyrir karla og konur

Sauna

Sauna

Sameiginlegt fyrir karla og konur

Útiklefar

Við útisundlaug eru 2 útiklefar með sturtum.

Leiktæki

Tvö stökkbretti eru í lauginni. Það lægra er 1,0 m frá vatnsyfirborði, það hærra 2,75 m frá vatnsborði.

Forstöðumenn frá upphafi

Ólafur Þorvarðarson 1937-1942
Sigríður Sigurjónsdóttir 1942-1945
Þorgeir Sveinbjarnarson 1945-1971
Hermann Hermannsson 1971-1975
Ingibjörg Sigurgeirsdóttir og Lilja Kristjánsdóttir 1975-1983
Kristján Ögmundsson 1983-1986
Stefán Kjartansson 1986-1993
Bjarni Kjartansson 1993-1998
Björg Snjólfsdóttir 1998-1999
Gísli Jensson 1999-2005
Óttarr Hrafnkellsson 2005-2005
Katrín Lovísa Irvin 2005-2010
Gísli Jensson 2010-2014
Logi Sigurfinnsson 2014-2019
Sigurður Víðisson 2019-2021
Drífa Magnúsdóttir 2021-2024
Snorri Örn Arnaldsson 2024-