Gjaldskrá sorphirðu

Ef sorphirðufólk þarf að sækja ílát lengra en 15 metra frá sorpbíl bætist viðbótargjald við. 

Ef tunnurnar eru fullar fyrir losunardag er hægt að kaupa merkta poka undir umframúrgang eða fara með hann á grenndar- eða endurvinnslustöðvar.

• Merktir pokar fyrir tilfallandi, umfram blandaðan úrgang: 2.630 kr./stk.

Athugaðu að til þess að tilfallandi umframúrgangur sem rúmast ekki í ílátum sé hirtur þarf hann að vera í sérmerktum pokum. Þá getur þú keypt í þjónustuveri Reykjavíkur í Borgartúni 12-14.

• Gjald fyrir aukalosun: 16.050 kr./ferð auk 3.220 kr./ílát sem losað er.
• Gjald fyrir aukalosun djúpgáma: 16.050 kr./ferð, auk losunargjalds djúpgáma hér að framan.
• Gjald vegna reksturs grenndar- og endurvinnslustöðva: 22.800 kr./íbúð. Gjaldi vegna grenndar- og endurvinnslustöðva er ætlað að standa undir kostnaðarhlutdeild Reykjavíkurborgar í rekstri grenndar- og endurvinnslustöðva SORPU bs.
• Umsýslugjald vegna breyttrar þjónustu, akstur og skráning íláta, er 4.300 kr. fyrir hvert sinn sem óskað er breytinga.

Endurvinnslustöðvagjald er lagt á hverja íbúð í Reykjavík til þess að standa undir hlutdeild borgarinnar í rekstri endurvinnslustöðva Sorpu.

Gjald fyrir meðhöndlun úrgangs er lagt á með heimild í 2. mgr 23.gr. laga nr. 55/2003 um meðhöndlun úrgangs með síðari breytingum og 5. mgr. 59. gr. laga nr. 7/1998 um hollustuhætti og mengunarvarnir, með síðari breytingum.

Gjald fyrir sorphirðu við heimili miðast við fjölda og stærð sorpíláta við hverja húseign, losunartíðni þeirra, tegund úrgangs og vegalengd sem draga þarf sorpílát.

Í fjöleignarhúsum er gjöldunum skipt eftir hlutfallstölu eigenda í viðkomandi sameign sbr. 43. og 45. gr. laga um fjöleignarhús nr. 26/1994.

Gjald vegna grenndar- og endurvinnslustöðva Sorpu er lagt á sem fast gjald á hverja íbúð.

Sé ílátum fjölgað, fækkað eða losunartíðni breytt á árinu miðast gjaldið við þá viku sem breytingarnar fara fram. Sé ílátum fjölgað eða fækkað er innheimt gjald fyrir akstur og skráningu.

Álagning á gjaldi fyrir meðhöndlun úrgangs er kæranleg til úrskurðarnefndar umhverfs- og auðlindamála og er kærufrestur einn mánuður frá álagningu.

Nánari upplýsingar og aðstoð má fá í síma 411-1111 og/eða með því að senda fyrirspurn á netfangið upplysingar@reykjavik.is.