Spennandi sumarstarf í Búsetukjarna Grafarholti

Velferðarsvið óskar eftir að ráða stuðningsfulltrúa í búsetuþjónustu fyrir geðfatlað fólk í íbúðakjarna Þórðarsveigi 3. Um er að ræða sumarafleysingu (frá apríl og út ágúst). Möguleiki á hlutastarfi eftir sumarið!

Búsetukjarninn er með sólarhringsþjónustu og með það að markmiði að mæta þörfum íbúa á heildstæðan og einstaklingsmiðaðan hátt.

• Íbúum er veittur stuðningur, ráðgjöf og valdefling til að bæta lífsgæði sín.
• Unnið er eftir þjónandi leiðsögn og hugmyndafræði um sjálfstætt líf.

Verið er að leita eftir starfsmanni til að vinna í vaktavinnu, það eru dagvaktir, kvöldvaktir og í einhverjum tilfellum næturvaktir.

Helstu verkefni og ábyrgð

• Einstaklingsmiðuð og sveigjanleg aðstoð við allar athafnir daglegs lífs.
• Fylgja eftir þjónustuáætlunum og verklagsreglum.
• Hvetja og styðja til sjálfstæðis og félagslegrar virkni.
• Sinna umönnun og vera vakandi yfir andlegri og líkamlegri líðan íbúa.
• Stuðla að jákvæðum samskiptum við íbúa og annað samstarfsfólk.
• Þátttaka í sköpun og þróun nýrra tækifæra fyrir íbúa.

Hæfniskröfur

• Góð almenn menntun.
• Reynsla af starfi með geðfötluðum einstaklingum og/eða af umönnunarstörfum kostur.
• Góð hæfni í mannlegum samskiptum, frumkvæði, skipulagshæfni og sjálfstæði í vinnubrögðum.
• Umhyggja og þolinmæði.
• Bílpróf kostur.
• Íslenskukunnátta B1 samkvæmt evrópska tungumálarammanum.
• Æskilegt er að umsækjandi hafi náð 20 ára aldri.
• Hreint sakavottorð í samræmi við lög sem og reglur Reykjavíkurborgar.
• Ýmis hlunnindi fylgja því að starfa hjá Reykjavíkurborg en þau má sjá hér.

Fríðindi í starfi

· Sund og menningarkort Reykjavíkurborgar

· Heilsustyrkur

· Samgöngustyrkur

· 36 stunda vinnuvika

Laun eru samkvæmt samningi Reykjavíkurborgar og Eflingar.

Nánari upplýsingar veitir forstöðumaður:

Aðalheiður Kristín Jónsdóttir í tölvupósti: adalheidur.kristin.jonsdottir@reykjavik.is