Íþróttastarf fyrir 60 ára og eldri

Í Reykjavík standa fjölbreyttir kostir til boða þegar kemur að því að rækta líkamann og andann. Þar eru til að mynda átta sundlaugar þar sem meðal annars má stunda sundleikfimi. Í borginni eru jafnframt fjölmörg útivistarsvæði með göngu- og hjólastígum. Þá bjóða íþróttafélög víða um borg upp á leikfimi fyrir 60+ með blöndu af þol-, styrktar-, jafnvægis- og liðleikaæfingum.