Tilraunaverkefnið - Fyrr í frístundaheimili

Það er því miður ekki búið að tengja saman kerfin sem halda utan um skráningu í leikskóla og frístundaheimilin. Þau sem hafa greitt skv. 2. flokki í leikskólum halda því, það er gert handvirkt. Rukkun sem kemur verður því rétt. Allir afslættir halda sér í þessu tilraunaverkefni.

Boðið verður upp á tvö tímabil fyrir „Fyrr í Frístundaheimili“ fyrra 20 dagar og seinna 11 dagar. Ekki verður hægt að kaupa hálft tímabil.

Þessi valmöguleiki á við eldri börn. Notast er við sama umsóknarkerfi og í frístundaheimilin og sumarfrístund og því er þessi valmöguleiki inni.

Ekki er gert ráð fyrir að börn í „Fyrr í frístundaheimili“ muni labba heim í lok dags heldur að foreldrar sæki þau.  

Samþykkt hefur verið að gera breytingar á opnunartíma til að koma til móts við ábendingar. Opnunartími „Fyrr í frístundaheimili“ verður 8:00-16:30.

Samþykkt hefur verið að gera breytingar á gjaldskrá til að koma til móts við ábendingar um hátt gjald miðað við að ekki væri boðið upp á mat fyrir börnin. Gjald fyrir „Fyrr í frístundaheimili“ verður það sama og fyrir námsgjald í leikskóla óháð dvalartíma dagsins. Fæðisgjald var dregið frá gjaldinu.

Verð fyrir 20 daga, 10. júní-5. júlí

Flokkur 1 – 18.560 kr.
Flokkur 2 – 7.700 kr.

Verð fyrir 11 daga, 6. ágúst – 20. ágúst

Flokkur 1 – 10.208 kr. 
Flokkur 2 – 4.235 kr.

• Flokkur 1 – Giftir foreldrar, sambúðarfólk og annað foreldri í námi.
• Flokkur 2 – Þeir sem hafa sótt um afslátt sem; Einstæðir foreldrar, báðir foreldrar í námi, annað eða báðir foreldrar öryrkjar eða á endurhæfingarlífeyri TR og starfsfólk leikskóla Reykjavíkur.

Nei, öll börn í þátttökuleikskólunum fædd 2018 fá uppsögn frá og með 10. júní. Aftur á móti ef barnið er ekki í þátttökuleikskóla en fer í grunnskóla sem tekur þátt í verkefninu og foreldrar velja að taka þátt í „Fyrr í frístundaheimili“ þá þarf uppsögn að berast leikskólastjóra fyrir 1. maí.

Sumarlokun verður frá og með 8. júlí til og með 5. ágúst. Bent hefur verið á að leikskólar sem taka þátt í verkefninu eru ekki allir með sumarlokun á sama tíma og foreldrar hafa margir hverjir gert ráðstafanir út frá sumarleyfistíma leikskólans. Verið er að skoða hvort hægt sé að bregðast við þessari athugasemd. 

Það er val foreldra að skrá börnin í „Fyrr í frístundaheimili“. Hins vegar fá öll börn fædd 2018 í þátttökuleikskólunum uppsögn frá og með 10. júní og geta ekki komið í leikskólanum eftir það. Undantekning getur verið fyrir börn sem eru með úthlutaðan stuðning í leikskólanum og fer þá fram samtal milli leikskólastjóra, sérkennslustjóra og foreldra varðandi þarfir barnsins. 

Já, öll börn sem eru að fara í 1. bekk í þeim grunnskólum sem taka þátt í verkefninu geta tekið þátt í ,,Fyrr í frístundaheimili” sem starfar við grunnskólann. Þá þarf uppsögn að berast leikskólastjóra fyrir 1. maí. 

Öllum börnum sem hefja grunnskólagöngu í viðkomandi skóla og sótt er um fyrir áður en skráningarfresti lýkur stendur til boða að taka þátt í verkefninu og það verða ekki biðlistar.  

Unnið er að ráðningu starfsfólks í verkefnið í þátttökufrístundaheimilunum og undirbúningur hafinn í viðkomandi hverfum. Í flestum tilfellum er um að ræða starfsfólk sem unnið hefur á frístundaheimilunum yfir veturinn. 

Haldinn verður fræðslu- og starfsdagur með þeim sem koma til með að taka þátt í verkefninu. Þar verður fræðsla frá þeim sem hafa starfað með elstu börnum í leikskóla og frá starfsfólki úr bæði Reykjavík og nágrannasveitarfélögum sem hafa reynslu af sumarstarfi fyrir þennan aldurshóp á frístundaheimilum. Einnig verður fræðsla um söng og farið verður í umræðuhópa þar sem starfsfólk lærir hvert af öðru, skiptist á hugmyndum um viðfangsefni við hæfi aldurshópsins, ígrundar hvernig markmiðum verkefnisins verður náð og þróar verkefnið saman.  

Í öllum þátttökuleikskólunum hafa verið reglulegar heimsóknir elstu barna í grunnskólann yfir veturinn. Einnig hafa verið farnar heimsóknir í frístundaheimilið, eða verða farnar áður en skólaárið er liðið.  

Starfsfólk leikskólanna mun vinna með starfsfólki frístundaheimilanna fyrstu dagana í verkefninu til að börnunum líði vel og þau aðlagist nýjum aðstæðum. Reynslan af verkefninu sumarið 2023 sýnir að vel tókst til með þetta og flest börnin þurftu ekki á leikskólastarfsfólkinu að halda nema rétt fyrstu dagana. 

Tvö tímabil eru í boði 10. júní – 5. júlí og 6. ágúst – 20. ágúst. Hægt er að skrá barnið á annað tímabilið eða bæði. 

Nei, það verður ekki boðið upp á mat heldur verður fyrirkomulagið eins og í öðru sumarstarfi frístundaheimila að börnin koma með nesti yfir daginn enda oft á ferðinni.

Öll börn fædd 2018 í þátttökuleikskólunum fá uppsögn á leikskólaplássinu frá og með 10. júní. Þau geta því ekki farið aftur á leikskólann þegar frístundaheimilið lokar.

• Nei. Leikskólabörnin verða líklega í öllum tilfellum í öðru rými. Við viljum skapa þeim rólegra rými meðan þau eru að kynnast nýju umhverfi. Hins vegar þegar þau verða orðin öruggari er alveg möguleiki á að starfið verði eitthvað brotið upp, hópum blandað saman og þau fái að taka þátt í sameiginlegum viðfangsefnum.

Þegar börn eru með úthlutaðan stuðning mun fara fram samtal milli leikskólastjóra, sérkennslustjóra og foreldris varðandi tilhögun stuðnings. Ef aðilar eru sammála að barninu sé fyrir bestu að vera áfram í leikskólanum verður tekið tillit til þess. 

• Vegna barna með úthlutaðan stuðning mun fara fram samtal milli leikskólastjóra, sérkennslustjóra og foreldris varðandi tilhögun stuðnings. Starfsmaður leikskóla mun fylgja barninu í frístundaheimilið og sinna sömu verkefnum þar eins og hann hefði gert í leikskólanum. 

• Nei, hvorki hægt að nýta Frístundakortið í „Fyrr í frístundaheimili“ né í sumarfrístund frístundaheimila.

Skráning hefst 23. apríl kl. 10 á skráningarvefnum http://sumar.fristund.is 

Sumarlokun hvers leikskóla var ákveðin við gerð starfsáætlana þeirra fyrir skólaárið 2023-2024 sem voru samþykktar í skóla- og frístundaráði í október 2023. Endanleg ákvörðun um fyrirkomulag verkefnisins „Fyrr í frístundaheimili“ var tekin í borgarráði 14. mars síðastliðinn. Ekki hefur verið gerð krafa um að sumarlokun leikskólanna sé samræmd og því erfitt að sníða sumarstarf frístundaheimila að lokun hvers og eins leikskóla. 

Undirbúningur verkefnisins hófst ekki fyrr en í byrjun árs 2024 og fór svo á fullt eftir að tillaga var samþykkt í borgarráði þann 14. mars eftir umfjöllun í skóla- frístundaráði 12. febrúar. Áður en verkefnið var kynnt foreldrum fór fram mat á þátttökuskólum og frístundaheimilum, kostnaðargreining, kynning og samtal við stjórnendur sem taka þátt í verkefninu og leitað umsagna hagsmunaaðila. 

Leitað var umsagna foreldraráða leikskólanna og skólaráða grunnskólanna sem fyrirhugað er að taki þátt í verkefninu. Einnig var leitað eftir umsögnum framkvæmdastjóra frístundamiðstöðva, Félags fagfólks í frístundaþjónustu, Félags leikskólakennara, Félags stjórnenda í leikskóla, samtaka foreldra leikskólabarna í Reykjavík, Félags skólastjórnenda í Reykjavík, Kennarafélags Reykjavíkur og Samfok. Þessir aðilar og stjórnendur viðkomandi starfsstaða fengu því kynningu á verkefninu áður en það var kynnt öðrum foreldrum í viðkomandi skólum. Unnið hefur verið úr innsendum umsögnum og þær verða kynntar skóla- og frístundaráði. Umsagnirnar verða hafðar til hliðsjónar við skipulag verkefnisins.

Fyrir páska var unnið upplýsingabréf til foreldra sem ákveðið var að þýða á ensku, pólsku, filippseysku og arabísku áður en það yrði sent til foreldra, sem þótti mikilvægt með tilliti til tungumálakunnáttu foreldra í viðkomandi leikskólum. Bréfið var sent foreldrum strax eftir páska.

Ef barnið á systkini í leikskóla (lögheimili/lögheimilistengsl) er veittur 100% systkinaafsláttur af dvalargjaldinu í Fyrr í frístundaheimili, eins og ef barnið væri enn í leikskóla.  

Ef barnið á systkini (lögheimili/lögheimilistengsl) í ,,Fyrr í frístundaheimili“, sumarfrístund fyrir 6-9 ára eða sértæku félagsmiðstöðvastarfi 10-16 ára á sama tíma, er veittur 20% systkinaafsláttur af dvalargjaldi eldra systkinis. 

Starfsfólk ,,Fyrr í frístundaheimili” mun fyrst og fremst koma frá frístundaheimilunum. Í flestum tilfellum er um að ræða reynt starfsfólk sem hefur starfað þar yfir veturinn og mun væntanlega starfa þar áfram inn í næsta vetur. Starfsfólki frístundaheimila hefur venjulega fækkað á sumrin, en með þessu verkefni gefst tækifæri til að heilsársráða fleiri og stuðla að auknum stöðugleika í starfsmannahaldi frístundaheimila. 

Starfsmaður leikskóla mun fylgja börnum sem eru með úthlutaðan stuðning. 

Gert er ráð fyrir að starfsfólk leikskóla fylgi börnunum eftir í einhverja daga inn á frístundaheimilin í upphafi. Í ágúst er gert ráð fyrir sambærilegri þátttöku starfsfólks grunnskóla við aðlögun í grunnskólana. 

Starfsfólk leikskóla mun fylgja börnum sem eru með úthlutaðan stuðning í samræmi við þeirra stuðningsþörf.