Vilt þú sækja um styrk hjá borginni?
![Reykjavíkurtjörn og nágrenni úr lofti.](/sites/default/files/styles/landscape_small/public/2023-09/13439-157-6240_custom.jpg?h=50ad93a8&itok=WbmebUSE)
Reykjavíkurborg auglýsir eftir umsóknum um styrki úr borgarsjóði fyrir árið 2024. Umsóknarfrestur er frá 27. september til 27. október 2023.
Gert er ráð fyrir að úthlutun styrkja verði lokið í ársbyrjun 2024.
Styrkjunum er ætlað að styðja við fjölbreytt verkefni einstaklinga og frjálsra félagasamtaka sem stuðla að farsælli þróun borgarsamfélagsins, lífsgæðum og fjölbreytilegu mannlífi.
Styrkir eru veittir til verkefna á eftirtöldum sviðum:
- Félags- og velferðarmála
- Skóla- og frístundamála
- Íþrótta- og æskulýðsmála
- Mannréttindamála
- Menningarmála
Umsókn er nú að fullu rafræn í gegnum Mínar síður borgarinnar. Umsóknareyðublaðið er nú aðgengilegra, einfaldara og skýrara á allan hátt gagnvart umsækjendum.
Þarftu frekari aðstoð eða upplýsingar? Þjónustuver borgarinnar er til staðar í netspjalli, í gegnum netfangið upplysingar@reykjavik.is og í síma 411 1111.