Vestnorræni höfuðborgasjóðurinn – Umsóknir óskast fyrir árið 2023
Auglýst er eftir umsóknum um styrki úr sjóðnum til verkefna sem tengjast samskiptum milli höfuðborganna og efla tengsl þeirra með einhverjum hætti, t.d. á sviði menningar, fræðslu eða íþrótta.
Vestnorræni höfuðborgasjóðurinn hefur að markmiði að efla skilning og samstarf, m.a. á sviði menningarmála, milli þessara borga, íbúa þeirra, samtaka og stjórnmálamanna og veita fjárstyrki til verkefna sem þjóna þessum markmiðum.
Aðilar Vestnorræna höfuðborgasjóðsins eru höfuðborgir Færeyja, Grænlands og Íslands.
Í umsókn skal lýsa fyrirhuguðum verkefnum ítarlega, fyrirkomulagi þeirra, tímasetningu og kostnaði.
Umsókn skal beint til:
Vestnorræni höfuðborgasjóður Nuuk, Reykjavíkur og Þórshafnar
b.t. skrifstofu borgarstjóra og borgarritara
Ráðhúsi Reykjavíkur
Tjarnargötu 11,
101 Reykjavík
Umsóknir berist eigi síðar en sunnudaginn 1. apríl 2023 og koma umsóknir sem síðar kunna að berast ekki til afgreiðslu.
Umsóknir skal senda á ofangreint heimilisfang eða á netfangið vestnor@reykjavik.is.
Umsóknareyðublöð sem nálgast má á vefsíðu Reykjavíkurborgar um Vestnorræna höfuðborgasjóðinn.
Auglýsing um Vestnorræna höfuðborgasjóðinn
Upplýsingar eru veittar á skrifstofu borgarstjóra og borgarritara, Ráðhúsi Reykjavíkur, s. 411 4500.
Stjórn sjóðsins tekur ákvörðun um úthlutun á árlegum fundi sínum í maí 2023.