Óskað er eftir tilnefningum til mannréttindaverðlauna Reykjavíkurborgar 2020. Það er hægt að tilnefna einstaklinga, hópa, félagasamtök eða stofnanir sem hafa á eftirtektarverðan hátt lagt mannréttindum lið.
Markmið mannréttindaverðlaunanna er að vekja athygli á mannréttindastefnu Reykjavíkurborgar og mikilvægi þess að mannréttindi séu virt í samfélaginu.
Tilnefningar ásamt rökstuðningi má senda á netfangið mannrettindi@reykjavik.is
Frestur til að skila tilnefningum er til 1. desember 2020.
Handhafi mannréttindaverðlauna Reykjavíkurborgar fær að launum kr. 600.000,-
Verðlaunin verða afhent í Höfða af borgarstjóra Reykjavíkur þann 10. desember næstkomandi í tengslum við alþjóðlega mannréttindadaginn. Á þessum degi árið 1948 var Mannréttindayfirlýsing Sameinuðu þjóðanna samþykkt.
Mannréttinda-, nýsköpunar- og lýðræðisráð Reykjavíkurborgar velur þrjá fulltrúa í dómnefnd til eins árs í senn. Hana skipa einstaklingar sem hafa sjálfir unnið að jafnréttis- og mannréttindamálum.
Þeir sem hafa fengið mannréttindaverðlaun Reykjavíkurborgar eru;
- Alþjóðahús 2008
- Rauði Kross Íslands 2009
- Blátt áfram 2010
- Hinsegin dagar 2011
- List án landamæra 2012
- Kvennathvarfið 2013
- Geðhjálp 2014
- Frú Ragnheiður 2015
- Þórunn Ólafsdóttir 2016
- Með okkar augum 2017
- Samtök kvenna af erlendum uppruna á Íslandi -W.O.M.E.N. Á Íslandi 2018
- Móðurmál Samtök um tvítyngi 2019