Fimmtán bækur tilnefndar til Barnabókaverðlauna Reykjavíkurborgar | Reykjavíkurborg

Fimmtán bækur tilnefndar til Barnabókaverðlauna Reykjavíkurborgar

laugardagur, 3. mars 2018

Tilkynnt var í dag hvaða fimmtán bækur eru tilnefndar til Barnabókaverðlauna Reykjavíkurborgar 2018, en verðlaunin verða afhent hefðinni samkvæmt síðasta vetrardag í Höfða.

  • Allir tilnefndir höfundar samankomnir ásamt dómnefnd.
    Allir tilnefndir höfundar, myndskreytar og þýðendur samankomnir ásamt dómnefnd í Gerðubergi í dag.
  • Tilnefndir höfundar fyrir frumsamdar barnabækur
    Tilnefndir höfundar fyrir frumsamdar barnabækur, Sigþrúður Gunnarsdóttir sem tók við tilnefningu fyrir hönd Kristínar Helgu Gunnarsdóttur, Bergrún Íris Sævarsdóttir, María Rán og Rán Flygenring sem tóku við tilnefningu fyrir hönd Hjörleifs Hjartarsonar, Elísa Jóhannsdóttir og Ævar Þór Benediktsson.
  • Tilnefndir þýðendur,
    Tilnefndir þýðendur, Högni Sigurþórsson sem tók við tilnefningu fyrir hönd Aðalsteins Ásbergs Sigurðssonar, Magnea J. Matthíasdóttir, Erla E. Völudóttir, Guðni Kolbeinsson og Íris Baldursdóttir.
  • Tilnefndir myndskreytar
    Tilnefndir myndskreytar , Halla Sólveig Þorgeirsdóttir, Högni Sigurþórsson, Brian Pilkington, Rán Flygenring og Lára Garðarsdóttir.
  • Nemendur úr Allegró Suzukiskólanum léku við athöfnina, Emilía Árnadóttiro g Þórunn Sveinsdóttir.
    Nemendur úr Allegró Suzukiskólanum léku við athöfnina, Emilía Árnadóttiro g Þórunn Sveinsdóttir.

Tilnefningar voru kynntar við hátíðlega athöfn í Menningarmiðstöðinni Gerðubergi, þar sem nú stendur yfir sýningin; Þetta vilja börnin sjá, myndskreytingar úr íslenskum barna- og unglingabókum sem komu út á árinu 2017.

Barnabókaverðlaun Reykjavíkurborgar eru veitt í þremur flokkum og voru fimm bækur tilnefndar í hverjum þeirra; fyrir bestu frumsömdu barna- og unglingabókina, best myndskreyttu bókina og bestu þýðingu á barna- og unglingabók sem gefin var út á árinu 2017.

Tilnefndar bækur í flokki bestu myndskreytinga;
· Fjölskyldan mín - Lára Garðarsdóttir, útgefandi Salka
· Fuglar- Rán Flygenring, útgefandi Angústúra
· Kvæðið um Krummaling- Högni Sigurþórsson, útgefandi Dimma
· Jólakötturinn tekinn í gegn- Brian Pilkington, útgefandi Forlagið
· Pétur og úlfurinn... en hvað varð um úlfinn?- Halla Sólveig Þorgeirsdóttir, útgefandi Töfrahurð

Tilnefndar bækur í flokki bestu þýðingar á barna- og unglingabók 
· Bakarísráðgátan- Íris Baldursdóttir, útg. Mál og menning
· Flóttinn hans afa- Guðni Kolbeinsson, útg. Bókafélagið
· Kepler 62 Fyrsta bók: Kallið- Erla E. Völudóttir, útg. Bókabeitan
· Kvöldsögur fyrir uppreisnargjarnar stelpur- Magnea J. Matthíasdóttir , útg. Mál og menning
· Rummungur ræningi- Aðalsteinn Ásberg Sigurðsson, útg. Dimma

Tilnefndar bækur í flokki frumsaminna barna- og unglingabóka:
· Er ekki allt í lagi með þig? - Elísa Jóhannsdóttir, útg. Vaka Helgafell
· Fuglar - Hjörleifur Hjartarson, útg. Angústúra
· (Lang)elstur í bekknum  - Bergrún Íris Sævarsdóttir, útg. Bókabeitan.
· Vertu ósýnilegur - Kristín Helga Gunnarsdóttir, útg. Mál og menning
· Þitt eigið ævintýri - Ævar Þór Benediktsson, útg. Mál og menning

Barnabókaverðlaun Reykjavíkurborgar eiga sér lengsta sögu barnabókaverðlauna á landinu og er helsta markmið þeirra að vekja athygli á því sem vel er gert í bókaútgáfu fyrir unga lesendur og hvetja þá til bóklesturs.

Valnefnd er skipuð Brynhildi Björnsdóttur formanni, Jónu Björg Sætran, Gunnari Birni Melsted, Davíð Stefánssyni og Þórdísi Aðalsteinsdóttur.

Meira um barnabókaverðlaunin.