Byggingarlóðir í Vesturbugt boðnar út á ný
![Vesturbugt við gömlu höfnina í Reykjavík](/sites/default/files/styles/landscape_small/public/2024-06/dji_0045_custom.jpg?h=6eb229a4&itok=20Zj7xqO)
Byggingarréttur fyrir allt að 177 íbúðir í hjarta borgarinnar við gömlu höfnina í Reykjavík hefur verið boðinn út og er tilboðsfrestur til 5. júlí nk. Auk íbúða nær byggingarrétturinn einnig til atvinnu- og þjónustuhúsnæðis.
![Hönnunarmynd af svæðinu](/sites/default/files/styles/original_medium/public/2024-06/renderinghofn_custom.jpg?itok=TS4CbHam)
Í auglýsingu á vef Reykjavíkurborgar má sjá hvernig skipting er milli íbúðarhúsnæðis, atvinnu- og þjónustuhúsnæðis, auk kjallararýmis. Félagsbústaðir eiga kauprétt á 7 íbúðum á hvorri lóð.
![Hlésgata 1](/sites/default/files/styles/original_medium/public/2024-06/20240410_hlesgata1-skyggt_custom.jpg?itok=Eszm-DTa)
Á Hlésgötu 1 er heimilt að byggja allt að 110 íbúðir í 2-5 hæða í húsum. Heildarbyggingarmagn á lóðinni er 17.120 fermetrar.
![Hlésgata 2](/sites/default/files/styles/original_medium/public/2024-06/20240410_hlesgata2-skyggt_custom.jpg?itok=mtxAqgje)
Á Hlésgötu 2 er heimilt að byggja allt að 67 íbúðir í 2-4 hæða í húsum. Heildarbyggingarmagn þeirrar lóðar er 10.368 fermetrar.
(Hönnunarmyndir: ALARK arkitektar ehf.)
Fyrri samningi um byggingarrétt í Vesturbugt var rift vegna þess að framkvæmdir drógust úr hófi fram. Í framhaldi af riftun samninga voru gerðar minniháttar breytingar frá fyrra deiliskipulagi m.a. að tvískipta lóðinni. Bjóðendur hafa nú val um bjóða í aðra lóðina eða báðar.
![Gamla höfnin í Reykjavík](/sites/default/files/styles/original_medium/public/2024-06/dji_0038_custom.jpg?itok=mdXRhJlH)
Horft yfir hafnarsvæðið. Ljósmyndir: Reykjavíkurborg
Tengt efni:
- Auglýsing (20. júní 2024): Kauptilboð í spennandi byggingarrétt í Vesturbugt
- Tengd frétt (30. júní 2023): Reykjavíkurborg hefur rift samningi um uppbyggingu í Vesturbugt