Akstursstefna í austur á Geirsgötu lokuð 15. ágúst
![Geirsgata](/sites/default/files/styles/landscape_small/public/2024-07/geir1_custom.jpg?h=707772c7&itok=REzw3G-a)
Fræsun og malbikun á Geirsgötu er lokið en nú verður hafist handa við gönguþverun götunnar við Reykjastræti. Akstursstefnu í austur á Geirsgötu verður lokað um klukkan tíu, fimmtudaginn 15. ágúst. Allri umferð í austur eftir Geirsgötu verður vísað á Hringbrautina eins og gert var í nokkra daga í júlí.
Sunnudaginn 18. ágúst verður norðurakrein svo lokað og unnið í henni. Um leið verður akstur til vesturs um suðurakreinina leyfður.
Á meðan þessu stendur verður opið í bílakjallarann við Hafnartorg en til að komast upp aftur þarf að fara út um rampinn hjá Hörpu.
Kapp verður lagt á að ljúka verkinu fyrir menningarnótt. Veðrið gæti þó sett strik í reikninginn.
Göngunþverunin
Verkið í heild felst í því að fræsa burt núverandi malbik og leggja kantsteina sitthvoru megin til að lyfta göngufletinum 6 sm upp yfir malbikshæð götunnar. Snjóbræðsla verður lögð í gönguflötinn og malbikað yfir. Loks verður máluð sebrabraut yfir götuna og gengið frá hellulögn gangstétta og í miðeyju.
Verktakinn er Lóðaþjónustan.
Tilkynningar voru sendar í júlí á hagsmunaaðila, fjölmiðla, samfélagsmiðla og íbúagrúbbur og aftur núna í ágúst.