Nýtt: 14.8.24/ Fræsun og malbikun á Geirsgötu er lokið en hafist verður handa við gönguþverun götunnar við Reykjastræti. Akstursstefna í austur á Geirsgötu verður lokað um klukkan tíu, fimmtudaginn 15. ágúst. Allri umferð í austur eftir Geirsgötu verður vísað á Hringbrautina.
Sunnudaginn 18. ágúst verður norðurakrein lokað og unnið í henni. Um leið verður akstur til vesturs um suðurakreinina leyfður.
Á meðan þessu stendur verður opið í bílakjallarann við Hafnartorg en til að komast upp aftur þarf að fara út um rampinn hjá Hörpu.
Kapp verður lagt á að ljúka verkinu fyrir menningarnótt. Allt er þetta háð veðri.
Lokið hefur verið við að fræsa og malbika á svæðinu og er gönguþverunin sjálf það eina sem er eftir.
Eldri lýsing á verki
Þessi vinna hefur veruleg áhrif á umferðarflæði. Tveimur akreinum Geirsgötu verður lokað í austur en umferð verður áfram til vesturs. Umferð verður færð til vesturs á milli akreina en allri umferð í austur eftir Geirsgötu verður vísað á Hringbrautina.
- Malbiksframkvæmdir eru alltaf háðar veðri en gætt verður að því að takmarka lokunartíma.
- Aðgengi að bílakjallara á Hafnartorgi verður norður Geirsgötu og gert ráð fyrir að farið verði yfir götu til að komast í og burt í átt að Grandanum. Kjallarinn verður opinn allan tímann.
Myndasafn
Hvað á að gera?
Verkið felst í því að fræsa burt núverandi malbik og leggja kantsteina sitthvoru megin til að lyfta göngufletinum 6 sm upp yfir malbikshæð götunnar. Snjóbræðsla verður lögð í gönguflötinn og malbikað yfir. Loks verður máluð sebrabraut yfir götuna og gengið frá hellulögn gangstétta og í miðeyju.
Verktakinn er Lóðaþjónustan.