Hjólað í vinnuna í bongóblíðu
Gott veður síðustu daga hefur skilað sér í aukinni hjólreiðaumferð í Reykjavík. Samkvæmt hjólateljurum borgarinnar hefur síðasta vika verið metvika í fjölda hjólandi, og það á sama tíma og átakið Hjólað í vinnuna stendur yfir um allt land.
Mest var hjólað á þriðjudeginum 13. maí þegar teljarar skráðu alls 16.893 ferðir, sem gerir þann dag að þeim stærsta hingað til á árinu. Fyrra met ársins sett aðeins viku áður, þann 3. maí, með 10.925 ferðir.
Fjöldi hjólandi hefur verið eftirfarandi í vikunni:
Mánudagur 12. maí: 11.258
Þriðjudagur 13. maí: 16.893
Miðvikudagur 14. maí: 14.989
Fimmtudagur 15. maí: 11.622
Gera má ráð fyrir að föstudagurinn 16. maí verði svipaður enda bongóblíða úti.
Veðurblíðan hefur greinilega blásið hjólreiðafólki byr í brjósti og styður vel við markmið Hjólað í vinnuna um að hvetja landsmenn til að velja hjólið sem virkan ferðamáta. Reykjavíkurborg hvetur íbúa til hjóla varlega í góðu veðri og njóta borgarinnar á tveimur dekkjum.