Fólkið í forgrunni – opinn viðburður um stafræn réttindi í tilefni af International Digital Rights Days
Í tilefni af International Digital Rights Days boðar stafrænt ráð Reykjavíkurborgar til opins fræðslu- og umræðuviðburðar undir heitinu „Fólkið í forgrunni – stafræn réttindi í nútímasamfélagi“.
Markmið viðburðarins er að varpa ljósi á mikilvægi stafrænnar verndar, aðgengis og mannréttinda í síbreytilegu stafrænu samfélagi.
Viðburðurinn fer fram miðvikudaginn 10. desember kl. 13:30–16:00 í Hljóðbergi í Hannesarholti.
Á viðburðinum munu sérfræðingar fjalla um hvernig við tryggjum réttindi fólks á stafrænum vettvangi, hvernig við förum með gögn á öruggan hátt og hvernig stafrænt aðgengi og persónuvernd skipta lykilmáli í opinberri þjónustu. Viðburðurinn er opinn öllum og gott aðgengi er í húsinu. Kaffiveitingar verða í boði fyrir gesti.
Að auki verður viðburðinum streymt í gegnum facebook live á facebooksíðu viðburðarins.
Dagskrá:
-
Opnunarávarp - Alexandra Briem, formaður stafræns ráðs
-
SkólaBúi - Tindur Óli Jensson, vörustjóri og Brynhildur Arna Jónsdóttir, verkefnastjóri velferðarmála
-
Stafræn réttindi íbúa, persónuvernd og ábyrgð í stafrænu þjónustuumhverfi - Hilmar Ingi Jónsson, persónuverndarfulltrúi Reykjavíkurborgar
-
Hlé og veitingar
-
Stafrænt aðgengi - Inga Björk Margrétar Bjarnadóttir, sérfræðingur í stafrænu aðgengi
-
Stafræn mannréttindi - Þórhildur Sunna Ævarsdóttir, framkvæmdastjóri Courage International
-
Gögn og gervigreind - Inga Rós Gunnarsdóttir, skrifstofustjóri gagna og hugbúnaðarþróunar